O grupo Municipal UNIFOZ ven de presentar dúas mocións ante a Corporación Municipal sobre o firme da estrada N642 ao seu paso por Foz e tamén demandando unha colaboración coa Deputación Provincial para o arranxo do acceso peonil do barrio de Vilaxoane.
Por unha banda, expón que “o paso para peóns anexo a Ponte sobre o río Ouro – N642 na parroquia de Fazouro encontrase en estado de deterioro (oxidación) por falta de mantemento (pintura), algo que se non se corrixe e se toman as medidas oportunas a curto prazo, será tal o deterioro que habería que proceder a unha nova construción, o que supoñería un gasto importante”.
Ademais, consideran que “o firme da N642 ao seu paso polo noso Concello, encontrase moi deteriorado algo xa mencionado en outras ocasións por esta Corporación, co conseguinte prexuízo e perigo para os veciños e usuarios” e que “os veciños e veciñas que desexen empregar como medio de comunicación o tren, e concretamente a estación de Vilaxoane, teñen moitas dificultades para poder facelo , así como un risco perigoso para cruzar a N642”.
Polo tanto, o grupo municipal de Unifoz solicita do Pleno da Corporación Municipal a aprobación dun acordo para solicitar a Ministerio de Fomento, Demarcación de Estradas a realización de obras de conservación na N 642, realización de actuacións de mantemento na Ponte sobre o río Ouro e o deseño e pintado de paso de peóns para acceso a estación de FEVE de Vilaxoane.
Por outra banda, dende o grupo municipal de Unifoz explican que “no barrio de Vilaxoane e sobre o río Centiño podemos comprobar que o acceso peonil que tiñan os veciños para o seu desprazamentos, así como os que se desprazan a estación de FEVE, encóntranse en estado ruinoso, co conseguinte perigo para os seus desprazamentos, ao marxe de todo isto supón unha mala imaxe de entrada a Foz e moi prexudicial”.
Polo mesmo, suxiren solicitar axuda da Deputación Provincial para que mediante subvención ou un convenio para o financiamento e execución “destas obras tan necesarias para o noso Pobo”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
