A campioa do mundo, Marisol Ramírez, dirixirá unha sesión teórico-práctica o xoves en Vista Alegre, nas II Xornadas do Deporte.
A Academia Imdecum acollerá a segunda sesión das II Xornadas do Deporte este xoves, 16 de maio, descubrindo a arte do kick boxing a través da visión teórico-práctica da campioa do mundo Marisol Ramírez (Madrid, 1987). A cita será no pavillón Vista Alegre de Burela, ás 16.15 horas.
A deportista, cinturón negro 4ª grao de kick boxing dende 2010, conta cun amplo recoñecemento medallístico. Aos 27 ouros en campionatos autonómicos (2003-09) suma 8 en nacionais (2005-09). En 2009 subiu ao cumio do podio no Campionato do Mundo de Kick Boxing, na modalidade de semi-contact, e obtivo 3 bronces en light-contact e koshiki.
Ata o 6 de xuño, o programa formativo da Academia Imdecum tamén abordará a loita olímpica, tenis de mesa adaptado e fisioculturismo entre os temas da presente edición. A iniciativa, que conta ademais coa colaboración da Deputación de Lugo, Fundación Deporte Galego e o IES Monte Castelo, está destinada a alumnado e titulados/as do ciclo superior de Actividades Físicas e Deportivas do centro burelao, monitores deportivos e demais profesionais relacionados co deporte, así como a todo o público interesado.
A situación do deporte feminino nos medios
A Academia Imdecum abriu esta edición o pasado 25 de abril. O vicedirector do IES Monte Castelo, Alfonso Iglesias, presentou o ciclo coa reflexión da periodista deportiva ourensá Alba Adá sobre a situación do deporte feminino nos medios de comunicación. Na súa intervención a xornalista mostrou a diferenza xeneralizada de tratamento e cobertura entre o deporte masculino e feminino, a pesar do intento de vender unha realidade igualitaria, e avogou pola responsabilidade dos medios coa sociedade para dar unha imaxe profesional do deporte feminino, como merece. Alba Adá esfórzase por “ser a voz de moitas deportistas” a través do seu blog albaadalameiras.wordpress.com/
LOCALIZACIÓN: Pavillón Vista Alegre
HORARIO: 16.15 horas
Xoves 16 maio
Título: “A arte do kick boxing. Unha visión teórico-práctica”
Relatora: Marisol Ramírez Gómez, campioa do mundo
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
