As bases de selección dos participantes faranse públicas a vindeira semana na web www.deputacionlugo.org
A Deputada de Deseño e Artesanía, Regina Polín, presentou hoxe Imaxinando Cantares Gallegos, unha orixinal actividade coa que a Deputación renderá homenaxe á literatura galega no 150 aniversario da publicación da obra de Rosalía de Castro. A Deputación convocará a todos os ilustradores e gravadores que o desexen para que participen nunha orixinal iniciativa que combina literatura e artes gráficas e que se celebrará o vindeiro 13 de outubro, o popular Domingo das Mozas, que é precisamente a data na que se celebra en Lugo a tradicional ofrenda á escritora galega.
Deste xeito, o 13 de outubro Imaxinando Cantares Gallegos transformará ó Centro de Artesanía e Deseño nun espazo de traballo compartido por un total de 32 artistas que sairán dos seus estudos por un día para traballar baixo a atenta mirada do público. Todos eles compartirán tema de inspiración: os poemas de Cantares Gallegos. Os artistas que resulten escollidos, desenvolverán o seu traballo nas instalacións do CENTRAD, polas que os visitantes poderán circular libremente para contemplar o proceso creativo dos artistas. Ó mesmo tempo, será unha boa oportunidade para coñecer máis de preto os diferentes obradoiros existentes no Centro.
Durante o acto, Polín destacou que esta “será una actividade de gran valor didáctico, para públicos de todas as idades, coa que se poderá observar de preto o proceso de traballo de artistas baixo diferentes técnicas creativas das que, ademais ofrecerán explicacións prácticas ós interesados”
En canto á data escollida, a deputada responsable da área de Deseño e Artesanía subliñou que “malia que mañá se celebra o Día das Letras Galegas e tamén sería un día máis que axeitado, o día 13 de outubro pareceunos perfecto por varios motivos: non só porque ten lugar a tradicional homenaxe a Rosalía de Castro, senón porque é un dos días nos que Lugo recibe máis visitantes chegados de fóra de Galicia, e o noso desexo é que o maior número posible de persoas poidan ser testemuñas do traballo dos artistas galegos e da actividade que, en prol da nosa herdanza cultural, se desenvolve no Centro de Artesanía e Deseño”, destacou Polín. Os nenos tamén terán actividades axeitadas á súa idade e capacidades, xa que os responsables do Centro organizarán obradoiros de debuxo, por suposto de temática relacionada coa escritora e a súa obra.
Polín adiantou, ademais, que durante o mes de outubro o Centro tamén acollerá unha exposición “moi especial, que marcará un fito”, adicada a Rosalía.
As bases, a semana que vén
Esta iniciativa está aberta ós ilustradores e gravadores que queiran participar. Para iso, só teñen que achegar o seu currículo xunto cunha mostra dos seus traballos, segundo o que indiquen as bases reguladoras que se publicarán a vindeira semana. As solicitudes de participación presentadas serán posteriormente valoradas por unha Comisión de Expertos, que determinará a identidade dos 32 finalistas.
O prazo de presentación de traballos permanecerá aberto dende a publicación das bases ata o 31 de agosto. Unha vez rematado o prazo, dita Comisión de Expertos reunirase para valorar as obras presentadas. Ademais, para axudar a facer fronte ós posibles custes de desprazamento ou material dos artistas seleccionados, estes percibirán unha aportación económica que estará en torno ós 200 euros.
Os artistas cederán os dereitos de autor das obras creadas nesta cita, orixinais e únicas, para que pasen a formar parte dos fondos propio do Centro de Artesanía e Deseño, e poder ser obxecto de futuras exposicións e actividades, ben no Centro, ben noutros espazos. Ademais, as obras resultantes ilustrarán unha edición de Cantares Gallegos que será elaborada polos artesáns que traballan no Obradoiro do Libro do CENTRAD.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
