Foz, 16 de maio de 2013. A liquidación do orzamento do Concello de Foz do pasado ano 2012 reflicte un aforro neto positivo de 463.697 euros e un remanente de tesourería de 132.000 euros. Estes datos foron dados a coñecer hoxe polo alcalde focense, o popular Javier Jorge Castiñeira, que se amosou moi satisfeito por estas cifras e manifestou que son o resultado do plan de austeridade levado a cabo polo goberno municipal.
O rexedor municipal explicou que “o grupo de goberno do Concello de Foz está moi satisfeito polos resultados orzamentarios do ano 2012 e a liquidación que fixeron os servizos de Intervención que reflicte un aforro neto 463.697 euros. Estes resultados son tremendamente positivos despois dun plan de austeridade importante nunha situación complexa e de dificultades económicas e de tesourería”.
Javier Castiñeira engadiu que “isto sumado a novo financiamento que vai facer o goberno municipal do Partido Popular coa operación de tesourería de 700.000 euros para pagar a provedores creo que demostra que se están facendo ben as cousas. Nos últimos dous anos, que son precisamente os que levamos no goberno local, se están a sumar remanentes positivos de tesourería cando anteriormente a tendencia era completamente contraria. Hai que recordar que no ano 2006 había un remanente de 6 millóns de euros, coincidindo co boom urbanístico, pero no 2011, cando empezou a gobernar o Partido Popular, quedaba un remanente negativo, concretamente de -33.000 euros. E agora se está volvendo á tendencia en positivo. Polo tanto o grupo de goberno está moi satisfeito por estes resultados e evidentemente a nosa idea é seguir adiante e tratar de ir rebaixando esa tensión de tesourería ano tras ano”.
O alcalde tamén explicou que “no próximo pleno da corporación municipal irá un recoñecemento extraxudicial de 390.000 euros, xa non son os 500.000 euros que foron no anterior exercicio, e polo tanto a tendencia segue sendo moi positiva. É necesario evidentemente para poder pagarlles aos provedores que se aprobe no pleno este recoñecemento extraxudicial. Así se lles propuxo aos grupos da oposición e esperemos que dean o seu visto bo a este resultado orzamentario e sexan capaces tamén de recoñecer este gran esforzo reducindo o recoñecemento extraxudicial de 500.000 a 390.000 euros”.
Castiñeira fai “unha valoración moi positiva do aforro neto con 464.000 euros de diferenza entre o ingresado e o gastado no ano pasado a pesar das dificultades económicas. Polo tanto son moi boas novas para as contas do Concello de Foz, pero seguimos nun momento complexo e delicado ata que se acabe de pagar esa devolución que hai que facer ao Ministerio de Facenda, cerca de 800.000 euros neste ano. O Concello, e sobre todo os veciños de Foz, con responsabilidade e austeridade están cumprindo os seus obxectivos”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
