Lugo, a 21 de Maio de 2013.- Dentro da campaña “PONTE NO MEDIO. MÓVETE POLO TERRITORIO”, cuxo lanzamento tivo lugar o 16 de abril do ano 2011 en Santiago de Compostela e debido ao éxito das anteriores edicións, ADEGA pon en marcha unha vez mais o proxecto “Cultura e Territorio”.
Un ano máis, ADEGA está a levar a cabo unha campaña pola defensa do territorio ao longo de todo o país. As agresións, acrecentadas nestes últimos anos, tanto físicas como culturais a que está sendo sometido o noso territorio dende distintos sectores sociais, esixe unha continuidade nos nosos esforzos dando resposta a estas accións, unha resposta baseada na información contrastada e na procura de solucións e propostas realmente sostibles e equilibradas de respecto cara o noso entorno.
Durante todo este 2013 ADEGA, no marco deste proxecto, realizará as seguintes actividades:
15 CHARLAS – OBRADOIRO NOS CENTROS EDUCATIVOS DE ENSINO MEDIO E PRIMARIO
Estas charlas-obradoiro, desenvolveranse mediante xogos educativos e dinámicas de grupo que consigan a implicación e sensibilización do alumnado na defensa do seu territorio mediante a utilización do método socio afectivo e a aprendizaxe significativa e construtiva, procurando ter representatividade dos diferentes realidades territoriais da provincia (A Mariña, As montañas, o Rural e o Urbano).
III CONCURSO DE RELATOS “O LUGAR ONDE VIVO”, “FOTOGRAFÍAS POLO TERRITORIO” e II CONCURSO DE CURTAMETRAXES “E TI QUE É O QUE VES?”
As bases destes concursos pódense descargar xa na web de ADEGA; www.adega.info.
XORNADAS SOBRE CULTURA E TERRITORIO
Consideramos fundamental seguir dando pé á reflexión, á participación e ao debate dos diferentes axentes sociais que inciden máis directamente no territorio: comunidades de montes, escritores e escritoras, arquitectos e arquitectas, estudosos, científicos, investigadores… de eidos tan diferentes, pero todos eles imprescindibles, para analizar a situación actual do territorio. Nas diferentes xornadas trataremos temas como: O camiño primitivo, a proposta Rías galegas- Reserva da Biosfera, o paisaxe cultural,…
CICLO DOCUMENTAL “A NOSA TERRA, A NOSA CULTURA”
Formulamos este ciclo en diferentes sesións que permitan visualizar varias obras documentais sobre como a evolución do tempo afectou negativa ou positivamente ao noso territorio, a nosa cultura e por tanto o noso país, reflectindo do o sentir e a experiencia daquelas persoas que o viviron, facendo así mesmo unha análise da situación actual coñecendo de onde vimos e cara onde imos. Concibido como un cine-forum, a primeira sesión terá lugar o día 29 de maio ás 20h no refectorio do Museo provincial de Lugo e o tema tratado será a lingua.
II FESTIVAL DE HUMOR “RIR POR NON CHORAR”
Baseándonos no éxito e na boa acollida da anterior edición, contaremos de novo con grandes humoristas da nosa terra para que facéndonos rir consigan a tan necesaria reflexión, sobre a importancia da posta en valor e a defensa dos nosos recursos naturais, patrimoniais, etnográficos… Este festival está pensado como unha gala aberta na que pretendemos implicar ao maior número de persoas posible.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
