O delegado de Cultura presentou o programa de actividades que se desenvolverá do 26 de maio ao 1 de xuño no Museo Provincial de Lugo
Lugo, 21 de maio de 2013. O delegado de Cultura e Turismo da Deputación de Lugo, o nacionalista Mario Outeiro, presentou, esta mañá, a IV Semana do Libro e da Lectura Infantil e Xuvenil, que organiza a Vicepresidencia do ente provincial en colaboración coa Asociación Socio-Pedagóxico Galega, e que este ano se desenvolve do 26 de maio ao 1 de xuño nas instalacións do Museo Provincial de Lugo.
Durante a súa intervención Mario Outeiro explicou que “durante a vindeira semana o Museo Provincial converterase nun escenario cheo de inventos, artiluxios e ferramentas; trebellos que forman parte de nós mesmos porque na vida cotiá estamos rodeados deles e que, para esta ocasión, adquiren un matiz especial, case máxico, e que permitirán fomentar o gusto pola lectura así como potenciar as capacidades creativas dos máis pequenos. Desde a roda até o smartphone, todas as tecnoloxías axudan ás persoas a progresar e nese senso, os libros tamén son máquinas que estimulan a circulación das ideas polos circuítos da imaxinación”.
A interpretación literaria, a creación de contos, a maxia, a percusión, a astronomía ou a banda deseñada son algunhas das temáticas sobre as que versarán os obradoiros desta Semana do Libro e da Lectura Infantil e Xuvenil, dirixidos ao alumnado de EEis, CEIPs e IES da provincia previamente inscritos, e que se desenvolverán en horario de mañá a partires das 12:30 horas. Asemade, todas as tardes, a partires das 18:30 horas, haberá actividades abertas ao público como contacontos, espectáculos de circo e representación teatrais, entre outras.
Con esta iniciativa que chega á súa cuarta edición, a área de Cultura da Deputación busca ofrecer un lugar de encontro para que tanto os rapaces e rapazas como os profesores ou os propios pais e nais conflúan e compartan experiencias en torno á maquinaria da literatura e as súas engranaxes: os libros.
Mario Outeiro insistiu “no apoio da Vicepresidencia da Deputación ao libro galego e, polo tanto, ao sector editorial que se atopa nunha situación límite a causa das políticas da Xunta de Galiza que non só atacan á industria cultural senón que tamén supoñen un atranco para o ámbito creativo. O desamparo que vive a lingua galega por parte do Goberno de Galiza está a afectar de xeito directo ás editoriais que cumpren un papel fundamental no proceso de normalización lingüística”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
