A ex-concelleira de O Valadouro dende o ano 2011, Ana Geada Losada ven de emitir un comunicado ante os comentarios publicados na prensa nestes últimos días, feitos por dirixentes do Partido Popular e concretamente polo Sr.Lamela, con motivo da moción de censura presentada no Concello do Valadouro, onde se viu nomeada repetidamente.
Geada comeza o seu comunicado argumentando: “véxome na obriga de aclara o acontecido no ano 2007”.
“En primeiro lugar, eu non formo parte da Corporación dende o ano 2011 e, polo tanto, non teño nada que ver coa moción de censura nin con pacto actual ningún”.
“En segundo lugar e remontándonos ó pacto que se fixo no ano 2007 con Mª José Fernández, do que tanto se fala agora, dicir que non son certas as manifestacións que fixo na prensa o Sr.Lamela cando dí que eu me fun para o grupo mixto por culpa de Mª José Fernández e que non aceptaba que ela fose alcaldesa, ata o punto que me tivo que convencer o Sr. Balseiro. Isto non foi así, senón máis ben ó contrario. Cando nos reunimos para firmar o pacto con Mª José Fernández e así contar coa maioría para gobernar, o que non quería firmar era precisamente o Sr.Lamela, que se foi da reunión e
tivo que ir a buscalo o Sr. Balseiro para convencelo, ¿non é así Sr.Lamela? Sábeno moi ben o Sr. Barreiro, o Sr. Balseiro e Eulogio Fernández (alcalde naquela data)”.
“Mª José Fernández non quixo ser a Primeira Tenente de alcalde porque dixo “seguirá sendo Ana coma ata agora”, ela sería a segunda, Lamela o terceiro e Mª Jesús a cuarta, quedando así o pacto, coas outras condicións que xa se coñecen e de acordo entre todas as partes”.
“A partir de ahí, unha vez constituida a Corporación, as delegacións dos concelleiros, etc. á hora de constituír a Xunta de Goberno, de repente e sen máis explicacións, por parte de Eulogio (o alcalde), Lamela e Mª Jesús se me dí que non poido ser Primeiro Tenente de Alcalde, que teño que desprazarme ata a última da lista, facéndolle ver ó alcalde que se eu non accedía serían eles dous os que se iban, ¿por que motivo? Suponse e creo que está claro que o Sr. Lamela quería estar ahí, máis arriba, para posteriormente sustituir a Eulogio na alcaldía, entón foi cando decidín pasar ó grupo non adscrito, non por culpa de Mª José Fernández, como dí o Sr.Lamela, senón porque non merecía tal maniobra por parte dos meus compañeiros que o único que os movía eran as ansias de poder. (Todo isto está acreditado documentalmente)”.
“Con mesura e responsabilidade soportei os embustes e descalificacións por parte das persoas protagonistas da desfeita de Xullo do 2007, onde foi despreciada a miña labor e apartada da política municipal do PP”.
“Xa está ben”, señores do Partido Popular: Eulogio Fernández (ex-alcalde), Sr. Balseiro
(Secretario Xeral Provincial), Sr. Barreiro (Presidente do PP en Lugo) e Sr. Lamela (alcalde actual), sodes vosoutros os únicos culpables de practicar unha política rastreira co único fin de defender os intereses persoais e de partido ante os dos cidadáns do Valadouro. Sodes vosoutros, ao rubricar un documento que non cumprístedes”.
“Isto é a pura e dura realidade que me tocou vivir nos últimos anos da miña andaina política no Valadouro, da que, por suposto estou moi satisfeita porque procurei sempre conseguir o mellor para os v eciños e creo que sen perxudicar nunca a ningúen”.
“Dito isto, estou no dereito a esixir as disculpas pertinentes (única contestación que aceptarei) e que por parte do Partido Popular se retire o meu nome de calquera polémica actual”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
