Lugo, 26 de maio de 2013.- O secretario xeral do Partido Popular na provincia de Lugo, José Manuel Balseiro pediu hoxe a José Ramón Gómez Besteiro que non se agoche tras o secretario de Organización socialista lucense “e ordene de xeito inmediato rectificar a escandalosa decisión de poñer prezo á gobernabilidade do Valadouro”.
O dirixente popular di que o propio Besteiro non pode desaparecer agora “consciente do erro cometido,tras converterse nun mercader político” coa alcaldía do Valadouro e insiste en que “debe explicar ante o conxunto dos veciños e dos galegos este tipo de amaños que autoriza, xa que logo unha persoa que aspira a converterse en secretario xeral do PSdeG, ten que dar a cara e deixar claro si pretende xeneralizar estas escandalosas estratexias no conxunto de Galicia”
José Manuel Balseiro volve a esixir a Gómez Besteiro a que deixe de ocultar o contido íntegro do pacto asinado ante notario para promover a moción de censura neste concello lucense e sinalan ao vicepresidente primeiro e á vicepresidenta segunda da Deputación de Lugo como as persoas que se encargaron da negociación directas desta artimaña, co beneplácito e mandato expreso do propio Besteiro.
BARREIRO VS. BESTEIRO
José Manuel Balseiro tampouco quixo evitar e deu resposta ás críticas efectuadas polo deputado e secretario de Organización do PSOE en Lugo González Santín, de quen lamentou “o papelón que lle atribuiron ao ter que defender un pacto que denigra a política e converte aos representantes en meros títeres movidos por intereses económicos”.
Balseiro dixo que é un erro falar de dedicacións xa que logo mentres que o conxunto dos lucenses e os cargos públicos do PP recoñecen o traballo de Barreiro sempre movido en defensa dos intereses da provincia, esta situación contrasta co proceder de José Ramón Gómez Besteiro, que por non facer nin acude ás Comisións de Goberno da Deputación (o propio PP denunciou que estivo ausente no 50% delas no que levamos de ano), pese a que é a súa obrigación e para iso se lle paga un soldo, co diñeiro de todos os lucenses.
Dixo tamén que mentres Barreiro levou ao Partido Popular aos mellores resultados electorais do PP na provincia, o PSOE, con Gómez Besteiro á cabeza, está nos peores datos da súa historia tanto a nivel municipal, como autonómico e nacional.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
