Foz, 17 de maio de 2013.- O BNG sae ao paso das declaracións do alcalde de Foz sobre a liquidación do orzamento do Concello de Foz do pasado ano 2012 para corrixilo nas cifras que deu así como reclamarlle máis prudencia e realismo na súa valoración de resultados.
O primeiro que chama a atención é que o alcalde di que o Concello de Foz na liquidación orzamentaria do 2012 “reflicte un aforro neto positivo de 463.697 euros e un remanente de tesourería de 132.000 euros”. O BNG quer precisar que as cifras que da son “enganosas”, seguramente non de forma intencionada pero de igual maneira pouco reais. É certo que o remanente neste concello é positivo pero con matices, xa que queda desvirtuado pola situación dos ingresos pendentes de recadación de exercicios pechados e as obrigas pendentes de aplicar ao orzamento que constitúen a débeda extraxudicial. Por iso, deberíase ter en conta o que di o propio informe de intervención sobre a liquidación do ano pasado, advertindo que é altamente probable que en exercicios futuros se produza un remanente negativo.
O mesmo pasa co aforro neto. En principio o aforro é positivo pero ocorre como no caso anterior, que non se tiveron en conta no cálculo as obrigas pendentes de aplicar ao orzamento correspondentes aos capítulos 1, 2 e 4, que ascenden a 255.744,44 € e que desvirtuarían totalmente a cifras que da o Sr. Castiñeira, de xeito que o aforro sería moi inferior, 207.922,65 €.
O segundo que hai que precisar é que a situación do Concello en canto ás súas contas non mellorou e que non hai motivo para estar tan satisfeito como se mostra o alcalde posto que como se puxo de manifesto por parte dos servizos de intervención do Concello durante todos estes anos, os ingresos correntes ás penas chegan para pagar os gastos correntes e a amortización das súas operacións de crédito. Todo isto tendo en conta, e aquí se delata o Sr. Alcalde, que existen obrigas pendentes de aplicar ao orzamento –fóra de contabilidade- por valor de 261.550,31 € e as circunstancias excepcionais que aconteceron no 2012 coas medidas regresivas aplicadas polo PP na Xunta e no Estado como foron a supresión dunha paga extra do persoal municipal (que aproximadamente supuxeron 108.408,90 €) ou o incremento do IBI urbano que significaron 266.981,47 € máis de dereitos recoñecidos en 2012 que en 2011.
Por último, o BNG quer chamarlle a atención ao alcalde por presumir de plans de austeridade e de resultados cando está incumprindo sistematicamente o Plan de Saneamento aprobado polo Pleno do Concello en 2009, igual que facía o seu predecesor. Por aí debería empezar o Sr. Castiñeira: por cumprir co aprobado en pleno por todos os grupos políticos.
Para o BNG, todos estes datos reflicten que realmente a política económica do actual Goberno Municipal é copia exacta da política de Rajoy ou de Feijoo: recortes, austeridade e “a velas vir”, sen ideas nin solucións para os graves problemas que o pobo está a sufrir.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
