Queremos poñer en coñecemento da opinión pública que nos parece unha auténtica tomadura de pelo o encontro entre o alcalde do Valadouro e o conselleiro de Infraestruturas (publicado na páxina web de Consellaría) na que se desbloquea sobre o papel o histórico proxecto do polígono industrial Alfoz-Valadouro. Proxecto nado e traballado durante a Xunta do bipartito, única lexislatura na que o proxecto deu pasos reais.
Coidamos que se está a utilizar o proxecto do polígono industrial como instrumento de chantaxe ao resto de forzas políticas, máxime na situación que vive o concello, cunha moción de confianza en curso e coas negociacións abertas entre os grupos da oposición.
Trátase dun burdo intento do PP para afianzar a figura dun alcalde que nunca estivo a altura das circunstancias e que decote ningunearon dende a Consellaría de Infraestruturas nestes dous anos de mandato.
Porque agora si e antes non? Isto cheira a tradicional manobra caciquil.
Só agardamos que se chega a frutificar un goberno alternativo ao do sr. Lamela (se se poñen de acordo o PSOE e máis UDIVAL) a Xunta manteña os compromisos que vén de adquirir co alcalde actual.
ASEMBLEA LOCAL DO BNG ALFOZ-VALADOURO
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
