A páxina web do Concello de Viveiro, atópase completamente desactualizada. Na portada da mesma podemos atopar anuncios e enlaces das festas dos anos 2010 e 2011, de naseiro do 2011, unha programación cultural do teatro do primeiro trimestre do ano 2011, e como novas máis destacables nos últimos 6 meses, as actividades do Mercado tradicional de Vieiro e da Feira das Maulas, cursos de verán da UNED do ano 2010, por citar algún exemplos. Existe unha enquisa virtual, que nunca funcionou, e numerosos enlaces obsoletos, que nin funcionan. No apartado de axenda cultural as últimas novidades son do ano 2011, e a guía local está actualizada con data do ano 2004. A web está totalmente desactualizada, e tan abandonada, que incluso o saúdo da alcalde, é o mesmo de ando se puxo a funcionar a web, no ano 2003.
Así mesmo o Concello de Viveiro, está desaparecido en todas as redes sociais, véxase Tuenti, Twitter ou Facebook, mostrando o goberno municipal un completo desinterese e deixadez polo emprego das novas tecnoloxías.
Consideramos fundamental na era da tecnoloxía na que vivimos, a presenza en internet, con información actualizada e diaria, así como a existencia de perfís nas redes sociais, a fin de que as veciñas e veciños da nosa cidade, podan divulgar, destacar, e criticar as actividades que realiza o Concello de Viveiro.
A transparencia e información da veciñanza na actividade municipal debe ser completa, e internet é unha fiestra aberta, que ben empregada, pode axudar a mellorar a imaxe do noso concello, así como a sua promoción turística do mesmo en todolos eidos.
Polo tanto, o BNG de Viveiro propón ao Pleno da Corporación Municipal de Viveiro, o seguinte acordo:
– Instar ao Goberno Municipal a actualizar de inmediato a obsoleta páxina web municipal, con novas diarias da actividade municipal, e da actividade cultural e deportiva existente no Concello de Viveiro durante todo o ano.
– Instar ao Goberno Municipal a realizar perfís nas redes sociais máis importantes, como Facebook, Tuenti e Twitter, para divulgar o Concello de Viveiro.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
