Dende a Asemblea Local do BNG Alfoz-Valadouro queremos respostarlle ao sr. Balseiro, secretario provincial do PP, que no canto de preocuparse tanto polo noso concelleiro na Corporación Municipal do Valadouro, debera terse acordado antes do seu compañeiro de filas Lamela, e non abandonalo á súa sorte, enleándoo nunha estratexia errada que o levou á perda da alcaldía.
O sr. Balseiro debera terse acordado antes do Valadouro no que naceu, e facilitarlle ao alcalde do seu partido as dotacións prometidas así como paliar todas as urxentes necesidades que padece o concello, do que só se lembra o PP para vir recadar votos.
Balseiro pretende ocultar o seu rotundo fracaso no Valadouro desviando a atención cara ao BNG local, onde non nos plantexamos substituír a ningún cargo orgánico ou institucional, e moito menos ao noso concelleiro Eduardo Chao, quen levou brillantemente as negociacións cos outros grupos políticos, co único obxectivo de sacar ao concello da parálise e anquilosamento no que estaba sumido, sempre coa defensa dos intereses da cidadanía como premisa.
Recomendámoslle a Balseiro que lea máis, que entre por vez primeira nunha biblioteca e procure un manual de estratexia política, se non desexa seguir sendo o perigo número 1 para os seus propios cargos institucionais, a quen decote pon aos pés dos cabalos (aclarámoslle ao sr. Balseiro que isto é unha metáfora, polo que tamén lle recomendamos a utilización dun dicionario) cando os asesora.
Balseiro non foi profeta na súa terra, e as súas estratexias tiveron como vítima política ao propio alcalde popular, feito que nós, como demócratas, como nacionalistas e por riba de todo como veciños/as do Valadouro aplaudimos, e amosamos a nosa satisfacción e o noso desexo de que este personaxe siga a ostentar a secretaría provincial do PP.
ASEMBLEA LOCAL DO BNG (Alfoz-Valadouro)
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
