Sesenta Concellos lucenses, o 90% dos da provincia, aplican xa unha ordenanza municipal elaborada e facilitada pola Deputación de Lugo ás entidades locais hai dous anos, que permite ós emprendedores abrir un negocio sen a obriga de contar coa licenza municipal. Deste xeito, subliñou o Deputado de Cooperación e Asistencia ós Concellos, Álvaro Santos, “a Xunta, de novo, chega tarde”, incluído a supresión destes trámites na Lei do Emprendemento e da Competitividade Económica de Galicia que aprobou o xoves, e que aínda ten que someter a debate parlamentario.
Santos enmarcou a redacción da normativa que exime ós emprendedores de presentar a licenza municipal para poder poñer en marcha unha actividade económica na aposta da Deputación “pola máxima cooperación cos concellos”, pero tamén na súa estratexia de “reducir ou eliminar cargas burocráticas co obxectivo de prestar un servizo máis áxil e eficaz ós cidadáns, e aforrar custes á administración e ós administrados”.
De feito, a ordenanza reguladora da apertura de novos negocios que elaborou o organismo provincial “aforra importantes custes ós emprendedores”, explicou o Deputado de Cooperación, ademais de “acurtar nun mínimo de 4 meses o procedemento administrativo necesario para iniciar unha nova actividade económica, co que favorecemos a dinamización do tecido empresarial e a creación de emprego na provincia”.
O único requisito esixido é presentar unha declaración responsable nas oficinas municipais do Concello correspondente para poder comezar de inmediato a actividade económica, sempre e cando esta non deba ser sometida a avaliación de impacto ambiental.
“Cando hoxe, tanto a Xunta, como o Goberno central, ou outras administracións locais, tales como o Concello de Madrid, están difundindo a bombo e platillo que van facilitar a apertura de negocios ó requirir ó emprendedor só unha declaración responsable, é importante recalcar que non están inventando a pólvora, pois na Deputación de Lugo levamos máis de dous anos traballando nesta dirección”, destacou Álvaro Santos.
Algunhas das actividades económicas que se poden beneficiar da ordenanza elaborada pola Deputación son as seguintes: todo tipo de comercio polo miúdo (moda, alimentación, electrodomésticos, bricolaxe, construción, droguería, xoguetes, fotografía, xardinería ou galerías de arte comerciais); instalacións para a cría de animais domésticos; talleres de confección e xastrería, de encadernación, reloxaría, ourivaría, óptica ou ortopedia; ou centros e academias de ensino, institutos de beleza; despachos profesionais e xestorías.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
