Os socialistas defenderán no Parlamento que o PP retire o anteproxecto de lei e abra un proceso de diálogo coa comunidade educativa, porque “se non rectifican, darase un paso atrás de dimensións históricas”
O secretario de Educación provincial, Carlos Ferreiro, lamenta a “repercusión directa que esta lei terá en Lugo” por ser “un ataque ao ensino público no rural e fomentar o desequilibrio territorial”
O deputado autonómico e voceiro de Educación do PSdeG, Vicente Docasar, anunciou esta mañá o apoio dos socialistas á folga xeral e as manifestacións que terán lugar mañá en toda Galicia, e esixiulle ao PP “que escoite o que vai pasar nas rúas” porque “por vez primeira haberá unha folga á que se suma toda a comunidade educativa, desde primaria ata a Universidade, polo que non pode ignorar este berro da educación sen precedentes”.
Asimesmo, o socialista anunciou que o PSdeG levará ao próximo pleno do Parlamento galego unha proposición non de lei que esixe “a retirada do Anteproxecto da LOMCE” e a “apertura dun proceso de diálogo” cos representantes do sector educativo no centro do debate, porque “se non son quen de rectificar, darase un paso atrás de dimensións históricas”. Docasar lembrou que “esta lei de Educación que pretenden tamén é histórica” porque “vai ter por vez primeira en contra a todos os partidos da oposición”, algo que nunca sucedeu coas lexislacións educativas do PSOE, e porque “leva a educación 40 anos atrás”. Neste sentido, destacou que o PP “ten enfronte a expertos, familias, mestres, sindicatos e alumnos” porque “non ten buscado consenso coa súa maneira habitual de gobernar, coa que cre que unha maioría absoluta dá dereito a facer o que lles veña en gaña”.
Entre as “inxustizas” que “dan para atrás a todo o conseguido nos últimos anos”, Docasar destaca que a LOMCE é “unha lei profundamente ideolóxica” que pretende “segregar alumnos desde moi cedo e ir cara un modelo elitista e de clases sociais” e que “non escoita tampouco o punto de vista das comunidades”, ademais de eliminar asignaturas como Educación para a Cidadanía, “que existe en toda Europa, pero parece que aquí formar cidadáns non importa” porque “só se ten en conta ao sector privado, aos obispos e a Fundación FAES”. Ante isto, Docasar esíxelle ao PP que abandone “a soberbia e a prepotencia” e ofrece a colaboración dos socialistas para “conseguir unha lei que lles dea estabilidade e un marco estable aos profesionais do ensino, que eles esixen a berros e que a política ten que darlles”.
Os socialistas destacan ademais os recortes previstos en Educación e comprometidos con Bruxelas polo Goberno de Rajoy, que suman 11.000 millóns de euros ata 2015, e cos que en España pasarase dun 4,7% de investimento educativo a un 4%, “cando a media europea está situada no 5,5%”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
