CERVO, 10 DE MAIO. Os membros do Grupo Municipal Socialista de Cervo non dan crédito ante a actitude mostrada polo equipo de goberno, “é asombroso ata qué punto poden chegar os feitos antidemocráticos do PP, se hai uns días nos trataban de dicir qué espazos públicos podíamos usar ou non, agora pretenden facer sentencia de quen, cando e onde se pode un manifestar”.
Os socialistas pregúntanse se “por ser unha persoa parella dun concelleiro perde o dereito a manifestarse. ¿Qué relevancia ten este dato? Esta persoa é membro da plataforma en defensa da sanidade pública, representante dun colectivo veciñal que apoia esta iniciativa e ten todo o seu dereito a facer uso da liberdade de expresión da que gozamos manifestándose con respecto nun acto público como é un pleno municipal”.
Dubidan ata qué punto pretende chegar o Partido Popular, “é que non teñen parada. Só faltaría que por estar casado cun concelleiro, un perdese os seus dereitos. Este argumento parécenos inaudito e totalmente irrisorio. Esperemos que esta maneira de actuar non vaia a máis, pois sería unha verdadeira pena que chegásemos a estes extremos”.
A favor do copago de comedores
Antes de ser suspendido o pleno, a corporación municipal debateu a moción presentada polo GMS co fin de facer efectivo o rexeitamento ó repago dos comedores escolares no vindeiro curso, “por suposto, os membros do PP votaron en contra, o que suporá que moitas familias vexan mermada a súa situación económica e se dea un paso máis para unha ampla diferenciación das clases sociais”.
Os socialistas aseguran que “ningún edil popular quixo responder ós nosos argumentos. A falta de resposta non se entende se non por dúas causas, ou pola desidia e pouca importancia que lle dan ó asunto ou porque primaron os intereses partidistas por riba da situación familiar dos veciños”.
Cualifican de “absurdos” os criterios do Partido Popular xa que “non se entende que pretendan aforrar a costa dos colexios públicos e non mermen nin un ápice os cartos destinados ós colexios concertados e colexios que segregan ós nenos por xénero. Para estes, dende o 2009 lévanse destinado nada máis e nada menos cuns 12 millóns de euros. Estas son as ideas do PP”.
Dende o GMS lembran que “cos datos da Secretaría Xeral da Consellería de Educación, o ano que vén o 43% das familias terán que pagar parte da comida dos seus fillos e tendo que asumir a totalidade suporá un gasto mensual duns 100 euros por neno. A parte do esforzo económico, será unha maneira máis de diferenciación entre os nenos, xa que uns comerán quente e outros terán que levar os tuppers. É unha vergonza que a Constitución recolla o dereito á educación gratuita e universal, e os actuais gobernantes traten de menguar este dereito día a día”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
