CERVO, 9 DE MAIO. Os socialistas lamentan que o goberno local do PP suspenda o pleno previsto para esta mañá “polo mero feito de que varias persoas mostrasen unha pancarta en defensa da sanidade pública na nosa comarca. A actitude do equipo de goberno do Concello de Cervo é inaudita, o sucedido esta mañá é un feito totalmente antidemocrático”.
Os membros do GMS aseguran que “non houbo en ningún momento alteración da orde pública. De forma silenciosa e educada, varias persoas presentáronse no pleno como acto público que é para manifestarse en defensa do Hospital da Costa e en contra das últimas decisións tomadas polos actuais gobernantes”.
O alcalde de Cervo, Alfonso Villares, non dubidou en que suspendería o pleno se non se retiraba a pancarta e rematou por actuar así, “esta decisión é unha incoherencia pola súa parte, pois o señor Villares proclamouse en varias ocasións defensor do Hospital de Burela por riba de todo e mantivo varias reunións con facultativos nas que afirmou comportarse como representante dos veciños e non como membro do PP ante este asunto”.
Os socialistas subliñan que “a pesar de que os manifestantes non aludiron a ninguén, parece que os membros do equipo de goberno de Cervo se dan por aludidos e se senten realmente responsables do que está sucedendo coa sanidade pública na nosa comarca. Esta actitude non se entende se non doutra forma”.
Recoñecen que “feitos antidemocráticos por parte do Partido Popular se poñen de manifesto día a día. É unha vergonza que unha plataforma creada polos diferentes axentes sociais de A Mariña, colectivos veciñais, partidos políticos, forzas sindicais, sexan tratados desta maneira por defender libremente un servizo público como é a sanidade na nosa comarca”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
