Burela, 12 de maio de 2013.- A delegada territorial da Xunta en Lugo, Raquel Arias, felicitou hoxe ao equipo directivo, ao corpo técnico e aos xogadoras do CD Burela FSF polo título de Primeira División de fútbol sala feminino. Na carta que hoxe lle enviou ao presidente da entidade, José Ramón González, indicou que este triunfo representa “un fito na historia” do deporte lucense e tamén na da propia provincia de Lugo.
Arias subliñou que “tantos anos de traballo por parte dun club modesto, pero orgulloso, de esforzo paseniño con vontade de ferro”, tiveron “a merecida recompensa” do título da máxima categoría do fútbol sala en España, o primeiro deste nivel que acada o deporte lucense nunha disciplina de equipos.
Para a máxima representante da Xunta de Galicia, que onte asistiu in situ ao encontro decisivo que disputou o conxunto da Mariña ante o Atlético de Madrid Navalcarnero, este éxito é “o cumio” para unha tarefa na que interviñeron “moitas xogadoras e xogadores, directivos, adestradores e milleiros de siareiros” comprometidos coa formación, co deporte e con este proxecto que aglutina seccións femininas e masculinas, ambas na respectiva Primeira Divisións
Arias destacou que o éxito sen precedentes do CD Burela FSF posúe tamén “un significado especial por conxugar o éxito co protagonismo da muller no deporte”, o que pode servir como “un exemplo a seguir para moitas rapazas e mulleres” en calquera ámbito da vida e considerou tamén que o éxito resulta “unha proba de que se pode chegar ás máis altas cotas se se traballa con interese e máximo compromiso, con independencia da ubicación xeográfica”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
