Tres ouros e dúas pratas para os Egovarros Viveiro no Campionato galego de Milla en ruta de veteráns

A localidade de Padrón volveu a acoller un ano máis, o Campionato Galego de Milla en Ruta de Veteráns. Nunha mañá soleada e cun forte vento, os atletas tiveron que dar tres voltas a un circuíto homologado pola Federación Galega de Atletismo, para completar os 1.609 metros da milla. A maioría dos equipos galegos estiveron representados na proba, non podendo acadar unhas boas marcas debido ó forte vento que fixo duranto o campionato.

Os metais acadados polos atletas do club da cidade do Landro, foron: no apartado femenino en W-60 medalla de ouro para Francisca Romasanta, que é a actual plusmarquista galega da distancia na súa categoría, en W-55 Begoña de Arriba foi medalla de prata e en W-50 a medalla de ouro foi para Manuela Guisasola. No apartado masculino en M-65, o ouro foi para Antonio Hernández e a prata para o seu compañeiro de club Fernando Ramos.