O pasado domingo día 16, celebrouse no complexo deportivo da Fieiteira, na localidade de Ribeira en xornada de mañá e tarde, o Campionato Galego de Vetaranos de Pista ó Aire Libre. A climatoloxía non axudou nada ós atletas participantes, xa que pola mañá correu un forte vento e pola tarde un temporal de auga o que impediu que se realizaran grandes marcas.
O club deportivo Egovarros-Viveiro foi o club que máis metais acadou destacando no apartado feminino Francisca Romasanta en W-60 que acadou o ouro nos 800 m, prata nos 400 m e bronce nos 100 e 200 metros, Begoña de Arriba en W-50 obtivo a medalla de ouro nos 100 e nos 5000 metros e prata nos 1500 m e en lanzamento de peso, Manuela Guisasola en W-50 foi ouro en 100 m e prata en 200 e 800 metros.
No apartado masculino Víctor Sande en M-45 acadou o ouro na proba dos 5000 metros, Salvador Patiño en M-60 ouro nos 400 m, ouro en salto de lonxitude, prata en 100 e 200 metros e bronce en peso, Antonio Hernández en M-65 foi ouro en 800 e 5000 metros, Antonio Cabana en M-70 obtivo o ouro en 1500 m e prata en 400 m, Fernando Ramos en M-65 obtivo a medalla de prata nos 100 e 400 m e bronce nos 200 m, Francisco Barrientos M-55 foi prata nos 100 m e bronce nos 200 metros, Anxo Vigo en M-55 obtivo a prata en lanzamento de peso e bronce en lonxitude, Andrés Piñón en M-40 foi bronce nos 5000 metros, Emilio Toral en M-55 foi bronce nos 800 metros, José Vicente Rioseco en M-70 foi ouro nos 100 e nos 400 metros (este atleta conseguiu bater o récord galego da súa categoría nas dúas probas).
En total as medallas obtidas polos atletas do club vivariense foron 12 ouros, 12 pratas e 8 bronces.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
