Lourenzá, 7 de xuño de 2013. A alcaldesa, Emma Álvarez Chao, mantivo unha reunión en Santiago co director xeral de Relacións Laborais, Odilo Martiñá, e co secretario xeral de Medio Rural, Tomás Fernández-Couto; para promover a creación en Lourenzá dunha cooperativa que comercialice a faba da Mariña lucense a través da marca Indicación Xeográfica Protexida (IXP) Faba de Lourenzá.
A rexedora municipal lembrou que a idea de facer unha cooperativa comercializadora de Faba de Lourenzá “xa hai tempo que rolda entre os produtores e o Concello leva anos tratando de apoiar esta iniciativa. Tamén a Xunta de Galicia dende fai décadas ven realizando un importante esforzo para darlle pulo á utilización do cooperativismo como unha vía para acadar un desenvolvemento económico equilibrado e integrador”.
“No caso da Faba de Lourenzá parécenos moi apropiada unha fórmula cooperativa, xa que a finalidade última consiste en prestar servizos e satisfacer necesidades e aspiracións dos seus socios. E neste caso o servizo que se daría sería a comercialización conxunta dun produto de gran valor gastronómico e que xa ten o seu nome recoñecido no mercado, pero falta chegar a un consumidor final ou a unha tenda para tratar de eliminar intermediarios e poder sacarlle un maior beneficio a este produto que con tan bo facer obteñen os produtores de toda A Mariña lucense”, explicou Emma Álvarez.
A alcaldesa tamén comentou que o obxectivo da reunión celebrada en Santiago é que “colaboren as dúas consellerías, a de Medio Rural e a de Traballo, para aportar un traballo de campo elaborado por un técnico especializado para ver in situ a viabilidade e tratar xa con potenciais socios para a creación dunha cooperativa. Ámbalas dúas consellerías ven nisto unha oportunidade de valorizar a Indicación Xeográfica Protexida, o que contribuirá a conseguir un incremento no prezo do produto”.
Álvarez Chao considera que se esta iniciativa culmina con éxito “servirá para fixar postos de traballo tanto en Lourenzá como no resto de concellos da zona que se dedican á produción de faba” e aclarou que “aínda que nun principio xurde a idea dunha cooperativa comercializadora serán os propios socios, baixo o principio da cesión voluntaria e aberta e a xestión democrática, os que consideren que tipo de cooperativa queren facer. Nun principio nós estámola orientando cara a unha cooperativa comercializadora pero nun futuro pode ser mesmo produtora e incluso subministradora daqueles materiais que utilizan en conxunto”.
A rexedora local tamén deu a coñecer hoxe que “ao fío disto o director xeral de Relacións Laborais anuncioume que durante este mes vai saír unha orde de apoio para consolidar as cooperativas, para incorporar socios e traballadores, na que tamén se van englobar os gastos do primeiro ano de funcionamento dunha cooperativa. Polo tanto a idea é que ese traballo de campo estea concluído antes de que remate o prazo para poder solicitar esas axudas e así que a cooperativa poida saír xa de antemán cunha parte subvencionada pola Xunta de Galicia”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
