Foz, 28 de xuño de 2013. No pleno ordinario celebrado onte a corporación municipal focense aprobou a redución de 10.000 euros na partida destinada a festexos para dedicalos a axudas de emerxencia social. Tamén saíu adiante a ordenanza que regulará as terrazas dos establecementos hostaleiros. Por acadar estes dous acordos o alcalde, Javier Jorge Castiñeira, considera que a sesión plenaria foi moi positiva.
O rexedor municipal destacou en primeiro lugar a aprobación da modificación de crédito de 10.000 euros, “ que se quitaron da partida de festas e destínanse a aumentar a partida de axudas de emerxencia social con 10.000 euros máis, que cremos que van ser suficientes para o medio ano que queda deste exercicio”.
Javier Castiñeira tamén se referiu á “famosa ordenanza das terrazas dos establecementos de hostalería que, despois dun ano de cantidade de reunións tanto de comisións como da xunta de portavoces polo afán negociador do grupo de goberno e tamén evidentemente da oposición, conseguimos sacala adiante. Creo que é unha ordenanza interesante e importante para Foz, que é un concello turístico que ten que apoiar á hostalería pero tamén ten que regular, dende logo, a situación que hai de anarquía na colocación de terrazas”.
O alcalde considera que con esta nova ordenanza “vamos mellorar moitísimo tanto os hostaleiros como, sobre todo, os peóns, porque van poder aproveitarse das infraestruturas. Vamos dar solucións para a hostalería, que terá maior capacidade para poñer terrazas e ademais nunhas condicións estéticas que prestixien o pobo. Dende logo eu creo que é un paso importante para todos. Neste caso houbo unhas concesións moi grandes por parte do grupo de goberno aos grupos da oposición, co que conseguimos aprobar esta ordenanza. Polo tanto estou moi contento e espero que unha vez que entre en vigor esta ordenanza poidamos mellorar a situación que tíñamos ata agora no concello de Foz, que era bastante deficiente”.
Castiñeira rematou anunciando que “agora será exposta e todos aqueles que se vexan afectados, colectivos ou particulares, teñen un período de información ao público e de posibles alegacións. E a partir de aí terá que se aprobada definitivamente polo pleno para que entre en vigor esta ordenanza”.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
