A Deputada da Área de Artesanía e Deseño, Regina Polín, presentou esta mañá a prgramación de actos cos que a institución provincial celebra a inauguración, o vindeiro día 21 de xuño, dunha nova sala da Colección de Instrumentos Musicais e Obxectos Sonoros do CENTRAD, coincidindo coa celebración do Día Internacional da Música. Durante a presentación xa tivo unha importancia destacada a música, coas pezas que interpretaron os músicos José Mª Otero, Manuel Vizcaíno e Pablo Pintor ás zanfonas, e Abraham Cupeiro ó corneto, encargados de abrir e pechar o acto.
Polín, que estivo acompañada polo fotógrafo Eduarco Ochoa, o músico Carlos Blanco e Santiago de Marcos, destacou o carácter especial deste evento, porque “a nosa Colección da Instrumentos Musicais é unha das xoais culturais da provincia, da que todos os lucenses deben sentirse orgullosos. Poucas coleccións teñen ese potencial de contribuír á salvagarda, difusión, investigación e posta en valor do noso patrimonio cultural. Con esta ampliación non só aumenta o tamaño desta exposición permanente, senón tamén a súa calidade e valor”.
Esta nova sala, que se une ás tres existentes e abertas ó público –Sala Xelmírez, Sala Fundadores e Sala Pórtico da Gloria-, recibirá o nome de Sala Antón de Marcos, en referencia ó promotor do obradoiro do Instrumento Musical, que no ano 1951 conseguiu a colaboración da Deputación para construír instrumentos musicais nun local propio do Pazo provincial.
Este recinto amplía o espazo expositivo en 21 m2, nos que se recreará o pasado de dito obradoiro, amosando fondos da colección pertencentes á etapa na que este iniciou á súa actividade: o primitivo torno, as ferramentas da época, as principais técnicas e procesos empregados na construción de instrumentos, os materiais e útiles de traballo. Os visitantes poderán continuar o percorrido iniciado nas outras salas, nas que poden admirar instrumentos musicais e obxectos sonoros das diferentes familias, tanto do patrimonio musical galego coma de outras culturas, o que pón de manifesto a comunicación entre pobos.
Exposición de fotografía na Capela
Os actos darán comezo o día 19 de xuño, coa inauguración de Cámara Barroca, nova exposición na Capela de Santa María. Trátase dunha mostra de traballos de seis fotógrafos contemporáneos: o lucense Eduardo Ochoa; os coruñeses Vari Caramés, Xurxo Lobato, José Caruncho e Xoán Piñón, e o compostelano Tino Martínez.
A través de 34 fotografías -selección dunha colección que forma parte dos fondos do Museo de Belas Artes da Coruña-, estes artistas presentan a súa visión persoal do arte do século XVIII, en particular do Barroco galego, interpretando as súas características arquitectónicas e escultóricas propias. O resultado é unha demostración da convivencia entre a literatura, a fotografía e o deseño arquitectónico actual coa arquitectura do Barroco, sen esquecer as paisaxes nas que se inscriben edificacións coma os mosteiros de Samos, Monfero, Oseira, Sobrado do Monxes, San Martiño Pinario ou a catedral de Santiago.
A mostra, de entrada gratuíta, permanecerá aberta na Capela de Santa María dende a súa inauguración, o día 19 de xuño, ás 19:30 horas, ata o 21 de xullo, nos horarios habituais da Capela: de luns a venres, de 10:30 a 14:00 e de 17:00 a 20:00 horas, e fins de semana e festivos de 11:00 a 14:00 e de 16:30 a 20:00 horas.
Concerto didáctico e interactivo
O xoves, 20 de xuño, a mesma Capela será escenario do concerto que ofrecerá o etnomusicólogo e investigador Carlos Blanco Fadol. De marcado carácter didáctico, están invitados a participar alumnos do Conservatorio Profesional lucense e de todas as escolas de música da provincia.
Este tamén será un concerto orixinal, posto que o público terá que colaborar cos instrumentos musicais que se lles entregarán, procedentes do sudeste asiático e coñecidos como angklung, para tomar parte nun concerto colectivo. Aínda que non posúan coñecementos musicais, grazas ás indicacións de Carlos Blanco os asistentes serán capaces de interpretar pezas coma o “Himno a la alegría” de Beethoven.
Carlos Blanco Fadol ten un amplo e destacado currículo. Posuídor de numerosos e prestixiosos premios internacionais, entre os que destaca a súa dobre candidatura ós Premios Príncipe de Asturias nas categorías de Arte e Concordia, é inventor de máis de 100 instrumentos musicais; autor de varios libros de música (Todo sobre música en caña y bambú, Enciclopedia de los Instrumentos Musicales ou Instrumentos musicales étnicos del mundo); realizador de bandas sonoras para cine, e fundador, propietario e director do Museo Étnico da Música de España, unha das maiores coleccións do mundo nesa especialidade.
O concerto de Carlos Blanco celebrarase o xoves, 20 de xuño, ás 20:00 horas, na Capela de Santa María, tamén con entrada gratuíta e limitada ó aforo do recinto.
Teatro ó aire libre pola noite
Outro dos actos programados é Menciñeiros, unha representación teatral chea de música e baile que ofrecerá a compañía Volta e Dálle, coa que busca recuperar o patrimonio cultural galego para o teatro. Neste caso, farao outorgándolle todo o protagonismo escénico a unha das figuras máis interesantes do imaxinario tradicional do país: os menciñeiros ou curandeiros.
Baseada na obra Escola de menciñeiros, do mindoniense Álvaro Cunqueiro, esta peza ofrece unha aproximación dramática a estas figuras, para dar a coñecer a súa cultura e os seus saber, ó tempo que difunde a obra de Cunqueiro. Os encargados de dar vida ós protagonistas da obra serán Pepe Penabade e os músicos Mini e Mero, que interpretarán a tres vellos menciñeiros que vén próxima a fin do seu tempo. Menciñeiros é unha obra viva, diferente en cada función, respectuosa co texto literario do que parte pero aberta ás posibilidades de cada momento da representación.
Esta representación teatral terá lugar o día 21 de xuño, a partires das 22:00 horas, na terraza do pavillón 4 do CENTRAD, na Travesía da Rúa Chantada. Coma no caso dos demaiso resto de actos programados, a entrada é gratuíta.
A Colección de Instrumentos Musicais
A Colección de Instrumentos Musicais e Obxecto Sonoros do CENTRAD, declarada Visitable pola Xunta de Galicia no 2008, forma parte do Rexistro de Museos e Coleccións de Galicia (MUGA), así coma do Directorio de Museos e Coleccións do Estado.
Esta exposición permanente está aberta ó público visitante, que ten a posibilidade de percorrer as salas grazas ás diferentes modalidades de visitas libres, guiadas, técnicas e activas, de xeito totalmente gratuíto. O horario é de 10:00 a 20:00 horas, sen interrupción. Ademais, todas estas visitas pódense completar cun percorrido polo obradoiro do instrumento ou consultar libremente os fondos da biblioteca e arquivo especializados, que inclúen un servizo de préstamo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
