Ribadeo, 11 de xuño de 2013. A plataforma musical Bandeed, que dirixe o ribadense Anxo Armada, e o Concello traerán a Ribadeo en agosto o espectáculo La pareja tóxica, que inclúe un concerto da artista pop Zahara e a presentación dunha curtametraxe. Bandeed está en internet e permite facer propostas de posibles concertos a celebrar nesta vila “si se reúne un número mínimo de persoas interesadas en que esas actuacións se celebren aquí”, segundo deu a coñecer esta mañá o concelleiro de Mocidade, Xavier Campos.
O edil nacionalista explicou que “nesta ocasión desde a Área de Mocidade do Concello de Ribadeo o que anunciamos é a posta en marcha dunha iniciativa novidosa, que ven sendo unha alianza, por así dicilo, entre un proxecto estatal de promoción musical que se chama Bandeed, que nace entre Barcelona e Ribadeo, porque está encabezada por Anxo Armada, un veciño da nosa vila que estudou e que elaborou este proxecto na capital de Cataluña. Neste momento o que facemos é apoialo desde o Concello de Ribadeo poñendo en marcha o primeiro concerto que coorganizamos entre o Concello e a plataforma musical Bandeed, que el dirixe”.
Xavier Campos indicou que “Ribadeo acollerá é a celebración dun concerto de Zahara, unha artista pop española que ademais de tocar o día 17 de agosto no Cine Teatro de Ribadeo tamén presentará unha curtametraxe titulada Leñador y la Mujer América. As dúas cousas, concerto e curtametraxe, conforman o espectáculo La pareja tóxica, de música e cine, que se está movendo por distintos lugares de todo o Estado español”.
O concelleiro de Mocidade sinalou que “a novidade radica na idea de que este tipo de concertos se leven adiante a partir de agora se hai un número suficiente de persoas que estean interesadas na súa celebración na nosa vila, no Cine Teatro. Bandeed é unha plataforma musical que está en internet e que permite facer propostas de posibles concertos a celebrar en Ribadeo, que as persoas interesadas comuniquen, a través da plataforma musical e da compra previa da entrada, o seu interese en que eses concertos se leven a cabo. E a partir de aí se hai un número mínimo de persoas interesadas en que o concerto se celebre en Ribadeo teremos a ocasión de ver aquí a artistas de moi diversos estilos pero de moita talla musical”.
Para Xavier Campos “non deixa de ser un novo formato, unha nova maneira de dar saída ao talento musical e neste caso a partir dunha alianza entre o Concello de Ribadeo, que o que pon é o espazo (o Cine Teatro ou o auditorio municipal) a disposición desa iniciativa emprendedora, desta plataforma Bandeed, que encabeza o ribadense Anxo Armada”.
O edil de Mocidade subliñou que “neste caso anunciamos o primeiro concerto, esperando desde logo que sexa o primeiro de moitos que podan vir no futuro. Trátase do concerto da artista Zahara para o 17 de agosto deste ano, pero con intención sobre todo de presentar tamén como funciona esta plataforma que permitiría que cheguen a Ribadeo outros artistas moi variados e de moita calidade, simplemente co requisito de que haxa o número suficiente de persoas tanto de Ribadeo como do resto da zona interesadas en poder ver e disfrutar dos seus artistas preferidos na nosa vila. E iso sería posible a través da plataforma Bandeed”.
Toda a información dese concerto en Ribadeo pódese atopar en http://www.bandeed.com/concierto/zahara.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
