Lugo, 3 de xuño de 2013.- A Xunta de Galicia achega preto de 82.000 euros (81.883 euros) para actuacións de mellora en espazos naturais de concellos incluídos en Rede Natura dentro da comarca da Mariña.
Nesta comarca son cinco os concellos beneficiados ao abeiro desta liña de axudas que sufraga a Consellería de Medio Ambiente, Territorio e Infraestruturas (MATI). De feito, o departamento autonómico comezou xa a informar aos concellos a concesión destas subvencións.
A delegada territorial da Xunta, Raquel Arias, subliñou que “o Executivo galego mantén o seu compromiso de preservar o entorno natural, porque, de paso que se actúa no mantemento da nosa identidade, trabállase na mellora dun dos maiores atractivos turísticos cos que contamos e que incide dun xeito importante na economía desta comarca e de toda a provincia”.
Arias explicou que estas axudas van destinadas a sufragar tarefas de mellora da paisaxe, como a limpeza, restauración e sinalización de camiños e espazos recreativos; a manter as condicións ambientais e a favorecer a recuperación de especies en zonas de Rede Natura 2000; e a recuperar ou restaurar elementos históricos patrimoniais.
“Trátase de dar resposta á necesidade de contribuír á biodiversidade e á preservación dos ecosistemas de alto valor natural aumentando o papel dos concellos á hora de levar a cabo este tipo de accións, na súa calidade de entidades xestoras de terras”, manifestou Arias, que agregou que o importe da subvención é do 100% do custe do proxecto, cun importe máximo de 20.000 euros por municipio.
No cadro seguinte detállanse os concellos e as actuacións a desenvolver en cada un deles:
CONCELLO | ACTUACIÓNS |
Ourol | Acondicionamento do camiño de acceso á minicentral eléctrica de Santa Mariña |
O Valadouro | Limpeza e restauración da pista dos Casas, Vilaselas e rego Madeiro |
Alfoz | Acondicionamento de camiños na parroquia de Pereiro |
Ribadeo | Limpeza e restauración de camiños de acceso aos predios |
A Pontenova | Acondicionamento e rexeneración medioambiental e paisaxística das beiras do río Eo |
Este xoves recibíuse unha comunicación da Casa Real, felicitando pola consecución da Copa da Raíña 2025.
A mostra 'Universo Vizoso' permanecerá aberta ao público ata o 8 de xuño no Centro Sociocomunitario.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou este sábado a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
O conselleiro do Mar asistiu este sábado á charla sobre ‘Saúde, Deporte e Empresa’ que impartiu Juan Corbalán no centro sociocultural Avelino Díaz.
Categoría infantil: 1° Premio: Paula Martínez. 2°: Valentina Blanco. 3°: Empate entre Alejandra Castro e Saúl Tourón. Categoría primaria: 1° Premio: Lucy Fernández. 2°: Lily Fernández. 3°: Laia Rodríguez. Categoría adultos: 1° Premio: Tomás Mariño. 2°: Iria Baltar
Abordaron as necesidades deste municipio e avaliar posibles vías de colaboración desde a Xunta que contribúan á execución de proxectos conxuntos no marco do compromiso do Goberno galego coas entidades locais.
