Este ano o público terá un protagonismo especial xa que poderán escoller ó mellor xogador da final. Será unha fin de semana intensa na pista mindoniense, xa que tódolos equipos terán xogadores de gran nivel e inclusive profesionais do fútbol sala (primeira, segunda división e categorías inferiores).
Xa está todo preparado para a celebración dunha nova edición do Marathon de Fútbol Sala O Pasatempo que comeza o venres 7 de xuño. 24 equipos van participar nesta edición para conseguir chegar á final e gañar os 1.500 euros do primeiro premio. Os partidos comezan ás 21 horas do venres e disputaranse durante toda a fin de semana no Pavillón Municipal de Mondoñedo. A gran final será o domingo 9 ás sete da tarde.
Neste quinto ano de torneo van participar equipos da provincia, Asturias e León. Como equipos mindonienses estarán O Club de Vagos, Discotecamovil Eventec FS, Retoka, Maderas García, New Team e O Rincón de Mondoñedo; dende Lourenzá, Santa Cruz FS e Vilou FS; CD Guilifonso de Alfoz e Peluquería Quimera de O Valadouro son outros equipos da comarca. Tamén haberá equipos dos concellos costeiros, de Burela Llourinhos e o CD Burela FS Pescados Rubén; de Viveiro Os Trasnos, Restaurante Nito e Carnicería Mariño e de Foz, Ecoboneco. Dende Asturias chegan Sidrería San Blas-Javimar (Tapia), Royal Sport (Xixón), Casa Paulino (Taramundi) e Rapalacois (As Figueiras). Como representantes do resto da provincia de Lugo acudirán Cafetería A Pravia (Vilalba), Vilar de Vela (A Fonsagrada) e Restaurante Manuel Manuel (Lugo). Dende Astorga chega o equipo Santo Cildes.
Esta edición será unha das máis disputadas polo elevado nivel dos equipos. Estarán presentes os tres gañadores das edicións anteriores: O Club de Vagos(2009, 2010), Peluquería Quimera (2011) e Restaurante Nito (2012). Hai ademais outros equipos que se perfilan como favoritos como o Vilar de Vela, Rest. Manuel Manuel ou Llourinhos. Na pista poderán verse grandes xogadores, por exemplo moitos dos membros so Sidrería San Blas-Javimar son exxogadores do Superti da Pontenova e militan agoa no Cong. Egea de Tapia, Discomovil Eventec contará con activos de O Esteo e o CD Burela FS Pescados Rubén é un equipo que xoga en división nacional na categoría xuvenil.
Ademais este ano haberá sorpresa para o público, xa que poderán decidir quen será o mellor xogador da final do domingo. A través da páxina de Facebook da Asoc. O Pasatempo, durante o encontro poderán escoller a aquel
membro dos dous equipos que máis lles guste e o máis votado recibirá o seu trofeo como MVP.
Exposición Fernando Vilariño
Ademais de deporte, no exterior do pavillón poderase visitar a exposición de escultura en pedra do artista Fernando Vilariño, durante toda a xornada do domingo.
Agradecementos
Dende a organización, a Asoc. Cultural O Pasatempo quere agradecer a tódolos equipos participantes, os anunciantes e aqueles que colaboran na realización deste evento a súa colaboración. Nos tempos que corren é un gozo poder contar con tan bos xogadores e colaboradores que cada ano mostran o seu apoio para facer posible a celebración dun torneo que xa se converteu nun éxito na Mariña.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
