A Deputada de Economía, Recadación e Facenda, Pilar García Porto, xunto ó xornalista especializado en Economía Julián Rodríguez Moscoso, presentaron este luns o ciclo de debates Galicia en clave económica, unha serie de 5 encontros abertos a todo tipo de público e de participación gratuíta, nos que unha vintena de expertos galegos no ámbito económico, laboral, empresarial, académico e financeiro “farán unha análise rigorosa e profunda da situación socioeconómica na que se encontra actualmente o noso país, e, dando un paso máis, poñerán enriba da mesa alternativas, solucións; ofrecerán un pouco de luz nesta encrucillada na que nos atopamos”, subliñou García Porto.
Os debates terán lugar entre este mes e o de decembro no Salón de Actos da Deputación. O primeiro celebrarase o vindeiro día 19 de xuño, ás 19:30 horas, baixo o título En busca dun modelo, e contará coa participación de Fernando González Laxe, catedrático de Economía Aplicada da Universidade da Coruña e ex Presidente da Xunta; Emilio Pérez Nieto, presidente da Asociación Galega da Empresa Familiar, que agrupa a 50 firmas que sumaron en 2012 un volume de facturación de 7.600 millóns de euros, o que supón o 16% do PIB galego, e teñen 48.000 empregados; Xoán Carmona Badía, Catedrático de Institucións Económicas da Universidade de Santiago de Compostela, un perfecto coñecedor do desenvolvemento do mundo empresarial galego; e Marcelino Fernández Mallo, consultor e socio director de Sphenia, unha consultora empresarial galega que tamén traballa para fóra, e que coñece os problemas e solucións que poden ter as empresas no ámbito da expansión internacional.
O obxectivo é analizar as potencialidades sen desenvolver da economía galega, os sectores emerxentes e as apostas decididas para consolidar un modelo produtivo. “Trataremos de responder se Galicia ten un modelo económico: o naval, a agroalimentación, a enerxía, unha mestura de sectores…”, apuntou Rodríguez Moscoso.
O seguinte foro organizarase para setembro e abordará o papel dos sectores público e privado ante a crise; mentres que os tres restantes afondarán nas posibles saídas do paro e os xacementos de emprego; as fortalezas e debilidades do sector primario, e o novo mapa bancario e o acceso ó crédito.
A Deputación de Lugo e Economía Dixital, coa colaboración do Grupo El Progreso, organizan o ciclo de debates Galicia en clave económica, “que consideramos moi interesante porque non se limitan a analizar a situación actual da que partimos, algo sen dúbida moi importante, senón que irán máis alá: ofrecerán alternativas, solucións, algo que vemos moi urxente ante o escenario de confusión que leva consigo a dureza e a persistencia desta crise”, destacou a Deputada de Economía.
Pola súa banda, Julián Rodríguez Moscoso, redactor de Economía Dixital, considerou “fundamental que o sector público e privado se poñan de acordo e poidan sacar adiante este tipo de actuacións, que cremos que son de interese para todo o mundo porque abrimos o debate á sociedade neste momento de especial virulencia da crise e porque levamos 5 anos, e non temos data para o final desta situación”. O periodista lembrou que a “gran acollida e o tipo de preguntas” que o público formulou durante a presentación do último libro do xornalista José Luis Gómez, Cómo salir de esta, que tivo lugar na Deputación o pasado mes de xuño, foi o xerme deste ciclo de debates que arrancarán o vindeiro día 19 de xuño.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
