Diploma de xestión estratéxica – cadro de mando integral

A Fundación Novacaixagalicia e a Xunta de Galicia entregaron o pasado luns 10 de xuño os diplomas de Xestión Estratéxica-Cadro de Mando Integral. Mª José Nóvoa, directora técnica xeral da Asociación de Axuda ó Enfermo Mental A Mariña, recolleu o diploma que acredita a participación nos programas de Xestión Estratéxica da Entidade. Neste programa pretendíase que as entidades definisen unha estratexia asignando prioridades e recursos, a xestionasen e complementasen, tendo sempre presente a satisfacción dos grupos de interese. A Asociación de Axuda ó Enfermo Mental A Mariña traballa pola mellora continua, e neste sentido, aposta pola formación aspecto crave para garantir unha mellor atención psicosocial e, en definitiva, unha mellora da calidade de vida dos seus usuarios.