Mondoñedo, 14 de xuño de 2013. A Executiva Comarcal do Bloque Nacionalista Galego reuniuse, na tarde de onte, coa Asamblea Local do BNG de Mondoñedo para analizar, entre outras cuestións, a continua perda de servizos que está a sufir a comarca da Mariña e da que “a localidade de Mondoñedo é un exemplo práctico, xa que pode chegar a sufrir a perda do Partido Xudicial e o feche do seu Xulgado se se implanta modificación da Lei de Plantas que se propón dende o Goberno de Estado, o que suporía a morte económica do concello” – puntualizou a responsábel comarcal, Ana Ermida.
“Esta medida vén a sumarse á perda e ao alonxamento dos servizos públicos da cidadanía que xa se vén sufrindo en materias como Sanidade, coa posta en funcionamento da Xerencia Única Hospitalaria, deixando con menos competencias ao Hospital da Costa, ou Facenda, restándolle atribucións á Xerencia Tributaria de Foz, algo que se culminará coa pretendida modificación da Lei de Bases do Réxime Local que condenará a desaparición da maior parte dos concellos do rural”, explicou Ermida.
Desde o BNG denuncian que estas medidas recentralizadoras non só provocarán o alonxamento da Xustiza do pobo e contribuirán a colapsar unha administración que xa está desbordada, senón que conlevarán un impacto incuantificable para a economía local, que xa vén sufrindo tremendos ataques de perda de emprego, consecuencia das medidas de recorte e austeriade que veñen implantando os populares desde o Goberno de Estado e a Xunta de Galiza.
Neste senso, Ermida incidiu en que “o que vilas como Mondoñedo precisan é plans especiais de reactivación económica. Mondoñedo é unha das vilas do norte lucense que máis está a sufrir as consecuencia da crise que provocou o feche de empresa emblemáticas, como, por exemplo, Aglomerados Ecar, a pesar de que ten potencialidades suficientes, como no eido forestal, para reactivar a súa economía, o cal non é posíbel porque non conta coa axuda e compromiso da Xunta e o Estado.”
“Estamos ante un modelo de Estado recentralizador no que o que se fai é alonxar os servizos da poboación, algo que dende o BNG non apoiamos e que trataremos que non se leve adiante porque isto sería o golpe de gracia para acabar coa maioría de concellos rurais, como é o caso de Mondoñedo”, concluíu a responsábel comarcal.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
