A pasada fin de semana o Club de Bolos Xove proclamouse Campión da Liga Provincial de Bolos disputada por sete clubs da nosa provincia. Segundos foron o Club de Bolos Cruceiro de Meilán, mentres que pecha o podio o Club de Bolos Ribatra.
A vitoria do Club Xove foi incontestable, xa que se impuxeron en todas e cada unha das tiradas disputadas, sendo a primeira vez na historia desta Liga que un club gaña en tódolos campos.
A complicación desta Liga reside no dominio de todas as modalidades practicadas na provincia; xa que no Campionato Provincial non se xoga a unha modalidade de bolos, senón que en cada sede de cada un dos sete clubs participantes se xoga a modalidade desa zona. En cada modalidade os bolos, as bolas e as normas son diferentes e os xogadores e xogadoras deben coñecelas e dominalas todas.
O deporte dos bolos, nos que Xove é pioneiro; xa que disfruta dunha liga que vai cumprir o seu vixésimoquinto aniversario, está tendo un gran auxe na nosa provincia onde cada vez son máis os clubs participantes e tamén as modalidades recuperadas deste deporte popular.
A Liga Provincial está a xogar un importante papel nesta recuperación e esperamos que en anos vindeiros sexan máis os clubs que se sumen a esta competición.
Ademáis deste importantísimo éxito, que coroa ó noso Club coma o mellor da provincia, Xove tamén tivo importantes éxitos a nivel individual. En categoría absoluta, Arturo Vigo quedou subcampión da categoría por detrás de Moisés Salgado do Club Cruceiro de Meilán. En categoría feminina, a representante xovense Belén Meitín tamén acabou segunda, por detrás de María Belén Gavín do Cruceiro de Meilán. E xa en categoría de veteranos, tamén acadamos o subcampionato con José Baño, por detrás de Cándido Rodríguez, do Ribatra.
Coa vitoria na Liga Provincial, o Club de Bolos Xove queda clasificado para disputar o Campionato de España que se celebrará a finais de xuño.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
