Burela, 8 de xuño de 2013. O equipo de goberno de Burela manifestou hoxe que “os pagos efectuados ós que fai referencia o PSOE son perfectamente legais, non superan o límite marcado na Lei de Contratos do Estado para a adquisición de subministracións e non tiveron reparo nin por Intervención nin por Secretaría”. Ademais considera que “os socialistas teñen entrado nunha fase na que para eles vale todo con tal de enfangar a política municipal. Mesmo se refiren a persoas e establecementos cunha falla absoluta de vergoña que pode supoñer a vulneración da Lei de Protección de Datos”.
En primeiro lugar, “o PSOE minte. Os pagos efectuados por subministracións que eles citan ascenden a 18.306 euros, IVE incluído. A Lei de Contratos do Estado manifesta claramente que os contratos menores, en materia de servizos, non superarán os 18.000 euros, pero sen IVE. Co que cabe afirmar que os pagos efectuados cumpren a lei”.
En segundo lugar, “o PSOE volve mentir. A concelleira citada en ningún momento asinou ningún vale autorizando a compra no establecemento que os socialistas citan”. E en terceiro lugar, “ocultan información. Sobre este asunto, existe un informe de Secretaría de 25 de abril do presente ano, coñecido polo PSOE, pero que ignoran, que di textualmente o seguinte:
Primeiro: O artigo 138.3 do Real decreto lexislativo 3/2011 de 14 de novembro, polo que se aproba o Texto refundido da Lei de contratos do sector público establece que se consideran contratos menores os de importe inferior a 50.000’00€ cando se trate de contratos de obras, ou de 18.000’00€,cando se trate de outros contratos.
Segundo: O artigo 111.1 do Real decreto lexislativo 3/2011 de 14 de novembro, polo que se aproba o Texto refundido da Lei de contratos do sector público establece que nos contratos menores a tramitación do expediente só esixirá a aprobación do gasto e a incorporación do mesmo á factura correspondente (sic).
En base ó anteriormente exposto, e tendo en conta que nos atopamos ante un contrato de subministro por importe de 18.306’44€ (IVE incluído), esta secretaría considera que non se incumpre o Texto refundido da Lei de contratos do sector público (sic). A determinación do límite de contrato menor efectúase coa exclusión do IVE, xa que o artigo 88.1 do Real decreto lexislativo 3/2011, de 14 de novembro, polo que se aproba o Texto refundido da Lei de contratos do sector público dispón que o valor estimado dos contratos virá determinado polo importe total, sen incluír o Imposto sobre o Valor Engadido. (A cantidade a ter en conta, en consecuencia, sen o IVE é a de 15.733’11€).
A adquisición de material para o normal funcionamento de servizos trátase dunha práctica ordinaria en todos os Concellos, pois depende das necesidades que se vaian presentando, e sen que moitas veces sexa posible facer unha previsión inicial.
Segundo o goberno municipal burelés, “o PSOE coñece este escrito, que lle foi entregado á concelleira López Villar e que non debeu entender nin comprender, dado que os socialistas ignoran este informe na súa nota de prensa; aínda que tamén poida ser que actúen de mala fe para enfangar a vida política municipal”.
En cuarto lugar, “os socialistas demostran un descoñecemento absoluto, porque non se lle pode abrir ningún expediente disciplinario a ningún concelleiro, dado que non é funcionaria do Concello de Burela, e non participa no procedemento. Retamos ó PSOE a que presente no pleno unha proposta de reprobación cara a concelleira Durán e que o fagan xa, pero deberán presentar probas contundentes”.
En quinto lugar, “o escrito presentado polos socialistas é absolutamente esquizoide; eles non son capaces a redactar ese escrito, no que, por certo, se refiren ás posibles sinaturas da señora Durán como supostamente. Recomendámoslles que cando presenten un escrito así o fagan con probas debidamente contrastadas”.
Por último o equipo de goberno manifesta: “non sabemos como un cincuentamileurista co sillón quente na Deputación, o señor Llano; unha concelleira, a señora López Villar, reina da fotografía, que fai obras sen licenza e que por riba asinou facturas como as que fai referencia o PSOE, xunto cun sindicalista condenado pola xustiza por unha falta por coaccións, se atreven a dar leccións de nada. Non toleraremos que se sementen insidias e difamacións, algo moi propio dos socialistas cando non teñen motivos reais para facer oposición. E se chegan ós extremos que chegaron, desde o equipo de goberno tampouco nos quedaremos quietos”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
