Burela, 13 de xuño de 2013. O equipo de goberno do Concello de Burela anunciou hoxe que estudará detidamente a petición de uso da praia de Penoural por parte de mascotas, aínda que lembrou que a normativa municipal neste momento impide a presenza de animais de todo tipo nas praias da localidade e que por riba de todo o primeiro que hai que defender son os dereitos dos cidadáns.
Desde o goberno municipal aclaran que “as sinaturas non nos van condicionar, dado que esa contía é absolutamente relativa. É probable que houbese máis aínda se se pide que se sancione máis contundentemente ós propietarios que non recollen os excrementos das mascotas, ou se se reclama o uso exclusivo da praia por parte dos cidadáns. Analizaremos a solicitude e adoptaremos a decisión que haxa que adoptar, aínda que lembramos que con este equipo de goberno ninguén falou sobre o asunto, nin a título individual nin colectivo, agás unha persoa que se dirixiu ó alcalde a nivel de simple comentario”.
Ademais o equipo de goberno afirma que “a concelleira de Medio Ambiente do bipartito, a señora Bouza, non cambiou a ordenanza. De xeito moi sibilino deixaba que os cans foran á praia de Penoural, pero tivo que dar marcha atrás ante as protestas dos usuarios da praia, que os ten a pesares de todo. Era tal a presenza de excrementos que a situación era insostible. Pero insistimos en que en ningún momento se plantexou en serio modificar a ordenanza, e lembramos que o bipartito semellaba ter maioría absoluta. Polo tanto resulta cando menos chocante que agora a señora Bouza, que non pode esquecer que é concelleira, se poña ó fronte dunha petición que ela mesma non foi capaz de cumprir e agora pretende que o fagamos nós, co que debe ter sumo coidado se pretende politizar esta cuestión”.
“Finalmente respectamos profundamente as sinaturas recollidas, respectamos profundamente o dereito dos cidadáns a disfrutar de calquera praia e demandamos dos propietarios de mascotas que non limpan os excrementos dos seus animais que o fagan, para manter limpo as rúas da vila, dado que son moitas as queixas que recibimos a diario por este motivo. Se non se fai non quedará máis remedio que aplicar a norma vixente al dedillo, que pasa pola denuncia, pola multa e polo aboamento da mesma”, remata o goberno local burelés.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
