Dende o Grupo Socialista focense queremos denunciar unha vez máis o feito de que a mediados do mes de xuño as praias do Concello, tanto os accesos coma os areais, se atopan nun estado de abandono e falla de limpeza lamentable, e carecen dos servizos máis básicos, como a auga nas duchas e fontes dos paseos marítimos.
Tal como explica a voceira socialista, Rosa Pérez Gradaílle: “O estado de abandono das praias constata o feito de que o Equipo de Goberno non é capaz nin tan sequera de dar cumprimento aos acordos plenarios, pois o noso Grupo presentou no último Pleno unha moción solicitando que se procedese á limpeza dos accesos e os areais das praias do Concello en vista da chegada da temporada estival, moción que foi aprobada por unanimidade dos membros da Corporación, pero, a pesar de que xa transcorreron quince días, as praias continúan feitas un desastre debido á incompetencia do goberno municipal”.
Debido a este feito, expresou tamén a voceira: “En concreto no día de onte, debido ás altas temperaturas rexistradas, recibimos numerosas queixas veciñais polo estado dos accesos ás praias, a maioría deles impracticables, e pola suciedade dos areais, así como polo feito de que por estas datas as duchas e fontes dos paseos marítimos continúen sen auga, polo que emprazamos ao alcalde a poñerse mans á obra dunha vez para remediar esta situación”.
Así mesmo, dende o Grupo Socialista queremos denunciar que, mentres o goberno local segue a gastar miles de euros na contratación dunha empresa externa para realizar labores de xardinería no núcleo urbano, en concreto no mes de febreiro de este ano esta empresa emitiu facturas ao Concello por importe de máis de 13.700 euros, dos que 4.800 euros correspondían só ao mantemento das rotondas, as parroquias seguen a ser as grandes olvidadas do Equipo de Goberno, coas cunetas sen rozar a estas alturas do ano, as fontes públicas sen limpar e numerosos problemas na recollida de lixo e no funcionamento do alumeado público. Polo que lle pedimos ao alcalde que proceda a dar cumprimento a algunha das peticións que os veciños das parroquias lle trasladan nas reunión que está a manter cos mesmos, porque senón esas xuntanzas non serven máis que para perder o tempo.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
