Lugo, 13 de xuño de 2013.- A posta en funcionamento do centro emisor de Monte Buio permite achegar unha oferta máis completa da Televisión Dixital Terrestre (TDT) a preto de 1.600 persoas do concello de Cervo. Así o indicou no día de hoxe a delegada territorial da Xunta en Lugo, Raquel Arias, que visitou o concello para comprobar os resultados dos traballos desenvolvidos ao longo dos últimos días.
Arias, acompañada polo alcalde da localidade, Alfonso Villares, destacou que “o inicio das emisións destes novos múltiplex forma parte das melloras que está a realizar a Xunta de Galicia para a recepción da TDT na Mariña Lucense, para o que está a realizar un investimento de 60.500 euros”.
O concello de Cervo puxera en marcha a principios de 2009 un repetidor de TDT no monte Buio, grazas ás axudas recibidas polos desastres ocasionados polo ciclón Klaus. Este centro, que cubría a parroquia de Santa María de Rúa, non ofrecía na actualidade unha resposta ás necesidades actuais de cobertura do concello. Ademais, a súa tecnoloxía quedou desfasada, polo que o Concello de Cervo e a propia Raquel Arias solicitaron a colaboración da Secretaría Xeral de Medios para mellorar a cobertura da TDT neste municipio.
Para poder sintonizar as canles que ofrece a TDT, os interesados deben, en primeiro lugar, dispoñer da cobertura adecuada dos devanditos centros emisores, podendo confirmar tanto o centro correspondente a cada zona como a calidade da cobertura por vía telefónica -981 572 154-, ou na web da Oficina Técnica da TDT -www.tdtgalicia.es-.
A continuación, basta con realizar unha busca de canles no receptor de TDT. No caso das comunidades de veciños, pode ser necesario axustar a antena colectiva para asegurar a calidade da recepción. Así mesmo, para poder ver as canles que emiten en alta definición é necesario, ademais, dispoñer dun receptor con sintonizador de alta definición HDTV.
Deste xeito, os beneficiados poderán desfrutar das novas canles da TDT, que se distribuirán da seguinte forma:
Canle 29: TVG, G2, VTelevisión, PopularTV
Canle 47: TVEHD, TDP(Teledeporte)
Canle 63: TVE1, TVE2, Clan, 24h
Canle 67: Cuatro, Divinity, La Sexta, Nueve, GolTV
Canle 68: Telecinco, La Siete, FDF, Intereconomía, Disney Channel
Canle 69: Antena3, Neox, Nova, Discovery Max, AXN
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
