Dez grupos teatrais da comarca representaron pequenos fragmentos das súas obras en distintos puntos da vila mariñá
Ribadeo, 13 de xuño de 2013. A Praza do Cantón, en Ribadeo, foi o punto de partida do pequeno circuíto de actuacións teatrais que percorreu as rúas máis céntricas da vila, achegando aos cidadáns o teatro afeccionado. Nesta representación colectiva, organizada no marco de Buxiganga co fin de dar a coñecer os circuítos 2013, participaron os grupos de teatro da Mariña que forman parte da quinta edición deste programa, que son A Adala, de Fazouro, Ardora, de San Cibrao, Axóuxeres, de Vilaronte, O Bordelo, de Cervo, Batán, de Cangas, Raiolas, de Alfoz, Ollomao, de Barreiros, Grupo de Teatro de Ribadeo, TeatroCrea, de Viveiro, e Xoldra, de Mondoñedo.
O vicepresidente da Deputación de Lugo, o nacionalista Antonio Veiga, que asistiu a esta presentación, afirmou que “tanto Buxiganga como esta actividade en concreto dan resposta á grandísima afección que existe polo teatro na Mariña, comarca na que o programa é un éxito rotundo grazas tanto aos actores e actrices como a toda a xente que asiste ás representacións”.
Os circuítos de Buxiganga teñen o obxectivo de potenciar o teatro en todas as súas vertentes como un elemento de transmisión cultural, ademais de fomentar o emprego do galego e cumprir unha importante función de cohesión e integración social. A Mariña, tal e como afirmou Veiga, “é, probablemente, a comarca onde mellor funciona Buxiganga, e proba diso é a gran cantidade de espectadores que congrega cada actuación”.
“Este programa – continuou o vicepresidente- é un dos que máis satisfaccións dá á Área de Cultura da Deputación, xa que non só posibilita aos grupos de teatro realizar actuacións con grande éxito entre o público, senón que tamén fomenta a aparición de novas agrupacións teatrais, como é o caso do colectivo Ollomao, de Barreiros, que participa por primeira vez nestes circuítos”.
Na Mariña, haberá 29 representacións a cargo de diferentes colectivos teatrais da provincia, mentres que os grupos desta comarca terán 24 representacións en distintos puntos da provincia. Grazas ao programa Buxiganga, os grupos de teatro afeccionado lucenses teñen a posibilidade de aumentar o número de representacións das súas montaxes teatrais.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
