Lugo, 8 de xuño de 2013. O Vicepresidente da Deputación, Antonio Veiga, saíu ao paso das declaracións da Portavoz do PP Elena Candia, lamentando que situase ao CB Breogán no debate político, criticando que acudise a falsidade para defender as súas posicións e denunciando o descoñemento de causa que demostra neste tema.
“Hai mala fe por parte de Candia cando denuncia falla de compromiso por parte da Deputación, posto que se o PP quere comprometerse de verdade co club ten que pasar das palabras aos feitos e como portavoz da forza política gobernante na Xunta debería comezar por demandar o mesmo compromiso desta que a Deputación ten en relación co Breogán” afirmou Veiga. “Pero hai aínda algo máis grave” – continuou o nacionalista- quen denunciou que “Candia acuda de xeito reiterado á mentira cando se atreve a por en dúbida a legalidade do proceso. Son aos servizos de secretaría e intervención á quen lles toca determinar a legalidade dos actos admistrativos da Deputación e tanto secretaría como intervención informaron favorabelmente tanto ao proceso de abandonar o accionariado do Breogan, como ao xeito de facelo, pola vía da doazón previa enaxenación, como por suposto aos prazos de saída, tamén fixados e avalados nos informes destes servizos”.
Xa por último Veiga indicou que “os populares demostran que non se enteran cando fixan o valor nominal das accións do CB Breogán en 16,23 Euros, este era o prezo en 2003, pero o prezo das accións que tera que fixar un auditor externo debe facerse atendendo a criterios de mercado e a día de hoxe podo garantirlle que non chegan a tres euros, e senón ao tempo posto que en semanas sairemos de dúbidas. É máis esta perda no valor das accións é un exemplo claro do quebranto que o PP lle provocou a todos os lucenses entrando no accionariado do CB Breogán e debe ser motivo de reflexión sobre a conveniencia de entrar un administración pública nunha SAD”.
Antonio Veiga lembrou que “a herdanza que recibimos cando nos tivemos que facer cargo do club foi unha entidade, segundo os auditores externos, en causa de disolución, cun desfase patrimonial de máis de 1.200.000 euros e en situación de quebra técnica. Foi a directiva dirixida por Antón Bao, da que o seu compañeiro de partido Xosé María González Barcia facía parte como tesoureiro, quen iniciou o proceso de saneamento do club e quen evitou aínda un feito máis grave como era a disolución do club como consecuencia da situación económica na que se atopaba. Se hoxe podemos estar falando da existencia do Breogán foi polo paso adiante que se deu naquel momento, un paso adiante que tivo continuidade na posta en marcha do plan financeiro aprobado que permitiu ir progresivamente saldando a débeda do club, débeda que após o acordo de onte da Xunta de Goberno está finiquitada. Iso é compromiso co Breogán o que demostrou primeiro a directiva de Antón Bao e as directivas sucesivas, compromiso é o que demostrou a Deputación Provincial, compromiso que contrasta cunha Xunta de Galiza que primeiro puxo trabas na xestión económica da entidade e que non achegou as axudas públicas que a entidade merecía”.
O Vicepresidente da Deputación volveu a incidir en que “hai unha posición do Goberno da Deputación e tamén do Consello da administración da entidade clara, no sentido de garantir a continuidade do club en Lugo e tamén de desvincular a entidade da participación no accionariado das SAD. Queremos evitar a deslocalización do club, impedir a concentración accionarial e, particularmente, que o Breogán volva a ser propiedade dos afeccionados, isto é, dos homes e das mulleres que acompañan a equipa a cada partido. Queremos tamén un Breogán saneado economicamente, proceso iniciado pola directiva encabezado por Antón Bao e que nos vimos de rematar, como condición previa para a saída do accionariado do Breogán. Queremos volver a deixar patente, reiterar, o noso compromiso co CB Breogán, compromiso que se manifestará de diverso xeito, pero moi concretamente na súa condición de perceptor das liñas de axuda que a Area de deporte ten establecidos para os Clubs Deportivos. Queremos en definitiva ser coherentes coa posición mantida por nos a respecto na participación das administracións públicas nas Sociedades Anónimas Deportivas pero tamén situar con clareza as prioridades dunha acción de goberno merecente do calificativo de esquerdas nun momento de penuria económica como o actual”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
