Voluntarios de Alcoa San Cibrao e veciñoos dedicarán a tarde deste martes 11 de xuño a dragar a canle que conduce a auga do río Xunco ata o muíño “O Rabeno” e o lavadoiro de Vilaestrofe, en Cervo, restaurado en 2012 con fondos de Fundación Alcoa, que dona agora de novo 3.000 dólares á Asociación de Mulleres Rurais As Espalladoras, organización colaboradora nesta iniciativa.
Os traballos consistirán en dragar a canle para aumentar o seu caudal e que poida funcionar en todas as épocas do ano, limpar e desbrozar o terreo das inmediacións co fin de crear unha área recreativa para uso e disfrute dos veciños e visitantes, e plantación de árbores autóctonos que co tempo ofrezan zonas de sombra.
Aproveitando a forza do voluntariado, tamén se recintarán as xuntas das canterías do lavadoiro de Vilaestrofe e se repararán fisuras da canle para que non perda auga.
Ó rematar as tarefas, voluntarios de Alcoa, veciños, mulleres Espalladoras e persoal do Concello de Cervo que tamén colabora na actividade, compartirán unha merenda para repoñer forzas.
O muíño e o lavadoiro son elementos significativos do patrimonio etnolóxico e cultural da localidade ubicados nun enclave natural de gran beleza e valor medioambiental da parroquia San Román de Vilaestrofe. A Asociación de Mulleres Rurais As Espalladoras de San Cibrao impulsou dende un principio a súa recuperación, que foi posible grazas ó respaldo e dirección do Concello de Cervo, o apoio económico da Fundación Alcoa e o traballo desinteresado dos empregados da Fábrica de San Cibrao.
Fundación Alcoa, que se sustenta dos seus propios activos financeiros e non dos da compañía, contribúe a mellorar a calidade de vida dos habitantes que forman parte das comunidades nas que Alcoa está presente, financiando proxectos de organizacións nas áreas de saúde e seguridade, educación e formación e de respeto ó medio ambiente.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
