Lugo, 12 de xullo de 2013. A Xunta de Goberno da Deputación de Lugo vén de aprobar a concesión de axudas económicas aos concellos da provincia para a prestación do Servizo de Axuda no Fogar (SAF) básico, ao que esta institución dedica 650.000 euros, un 27 por cento máis que en 2011.
O vicepresidente da Deputación e delegado das áreas de Benestar Social e Deporte, Antonio Veiga, explicou, en rolda de prensa, que estas subvencións, correspondentes á anualidade de 2013, concedéronse en base a criterios obxectivos e nunha mesa técnica formada por representantes dos tres grupos políticos con presenza no entre provincial.
Máis de 2.400 lucenses, de 66 concellos, é dicir de todos os da provincia agás do de Lugo, poderán seguir recibindo atención por parte do Servizo de Axuda no Fogar básico despois de que, un ano máis, a Xunta de Galiza, deixara á marxe do convenio de servizos sociais e comunitarios á provincia de Lugo negándose a negociar a súa cofinanciación con esta Deputación.
Para Antonio Veiga, “o Goberno galego continua excluíndo aos concellos de menos de 20.000 habitantes dos seus plans de financiamento para a prestación de servizos sociais e comunitarios. O Partido Popular é coñecedor da dificultade que para esta Deputación supón afrontar en solitario os gastos do Servizo de Axuda no Fogar; o que está buscando, e que desde a área de Benestar Social trataremos de evitar por todos os medios, é que o custe do servizo recaia nos usuarios e usuarias”.
“As cifras -continuou o vicepresidente do ente provincial -están a demostrar quen está co pobo, quen está comprometido con que a situación de crise económica e os recortes non afecten aos máis desfavorecidos e quen está disposto a dinamitar os dereitos da poboación, en especial dos veciños e veciñas do medio rural galego. Un ano máis a inversión do Goberno galego no Servizo de Axuda no Fogar básico será de cero euros, mentres a da Vicepresidencia da Deputación lucense ascende a 650.000 euros”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
