Celeiro de Viveiro, 9 de xullo de 2013. A ría de Viveiro será o escenario da II Bandeira de Traiñeiras Deputación de Lugo, que se disputará o vindeiro domingo, 21 de xullo, entre os equipos da Liga A da Liga Galega de Traiñeiras: C. R. Amegrove, Club do Mar Mugardos, C.R. Chapela, C. R. Cabo de Cruz, S. D. Samertolameu de Meira, C. R. Vilaxoán, C. R. Cabana, C.R. Ares.
Antonio Veiga, vicepresidente da Deputación de Lugo e responsábel das áreas de Benestar Social e Deporte, asistiu á presentación desta proba deportiva xunto con Juan Vidal, xerente da Liga Galega de Traiñeiras, entidade que organiza a competición en colaboración co organismo provincial; Carlos Gueimunde, concelleiro de Deportes de Viveiro, Bernardo Fraga, presidente do Club de Remo de Celeiro de Viveiro, e o entrenador do mesmo, Pablo Piñeiro.
Durante a súa intervención, Veiga afirmou que “este tipo de actividades, ademais do valor que teñen como eventos a nivel deportivo, aportan un valor engadido que é a afluencia de xente na localidade co gallo da súa celebración, pois son moitas as persoas que, de seguro, se achegarán a Celeiro o domingo, día 21, para presenciar a competición”.
As regatas celebraranse preferentemente sobre a distancia clásica de tres millas (5.556 mts.) en catro longos e tres ciabogas sobre babor. En cada regata, confeccionaranse as tandas segundo a clasificación parcial da LGT ata ese momento, sendo a última tanda a que estea formada polos 4 ou 5 mellores clasificados, segundo teña 4 ou 5 balizas o campo de regatas. Se na primeira regata non houbesen xornada clasificatoria, as tandas confeccionaranse a sorteo.
Ademais, disputarase unha contrarreloxo de dúas tandas regateando a metade de participantes en cada unha si e posíbel e de minuto en minuto, con intervalo de 5 minutos dende que entre o último participante da primeira tanda ata que salga o primeiro da segunda e empezarase polo ultimo clasificado.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
