O Deputado provincial José Luis Raposo participou este luns na Comisión de Seguimento dos GES, que a Consellería de Presidencia se viu na obriga de convocar ante o incumprimento do convenio por parte dos Concellos de Guitiriz, Quiroga e Folgoso do Courel. Na reunión, a Xunta recoñeceu graves irregularidades na selección do persoal para os Grupos de Emerxencia Supramunicipal neste municipios. Raposo esixiu a paralización destes procesos de contratación para axustalos á legalidade, seguindo o establecido no convenio.
Houbo unanimidade na Comisión de Seguimento para anular a selección do persoal realizada en Courel, logo de confirmarse que entre os contratados figuran familiares da Alcaldesa deste municipio, como súa irmá. Nembargantes, o Goberno galego non quixo facer o mesmo cos procesos de selección celebrados en Quiroga e Guitiriz malia recoñecer que ditos Concellos non cumpriron co convenio e cometeron irregularidades. Ante esta situación, o Deputado Provincial mostrouse firme e remarcou que a Deputación non vai a financiar ningunha actuación irregular.
Convenio
Xunta, Deputacións galegas e Fegamp subscriron un convenio de colaboración para a posta en marcha dos Grupos de Emerxencia Supramunicipal, facendo que, por primeira vez, Galicia contase con profesionais altamente cualificados para a cobertura das emerxencias. Por este motivo, a tres bandas establecéronse unhas bases para a selección do persoal comúns e públicas en todos os Concellos. En pleno proceso de contratación, Alcaldes e colectivos lucenses, como a Agrupación de Voluntarios de Protección Civil de Guitiriz, denunciaron ante o organismo provincial lugués o incumprimento deste acordo en Guitiriz, Folgoso do Courel e Quiroga. Isto motivou, que a Deputación de Lugo esixe á Xunta de Galicia a celebración dunha Comisión de Seguimento na que esclarecer irregularidades denunciadas.
Denuncias
Segundo os escritos que chegaron á institución luguesa, o Concello de Guitiriz modificou as bases do proceso de selección de persoal, alterando os requisitos dos aspirantes e as puntuacións. Por exemplo, estableceu que poden concorrer a estas prazas todas as persoas que teñan cumpridos os 16 anos, cando no convenio se determina que hai que ter 18 anos; puntuou cun máximo de 4,5 puntos o traballo desenvolto como persoal do Grumir ou nos Grupos Municipais de Emerxencias, cando no convenio a puntuación máxima e de 3 puntos; cun máximo de 1 punto a prestación de servizo en operativos de intervención directa en emerxencias, accidentes, incendios e outras labores de salvamento, cando no convenio son 2,5 puntos; ou cun máximo de 0,5 puntos POR CADA ANO na Agrupación de Voluntarios de Protección Civil, cando no convenio son 0,5 puntos POR CADA MES.
Folgoso do Courel e Quiroga non celebraron un concurso oposición, senón un concurso de méritos, do que resultou contratada a irmá da Alcaldesa do Courel, Lola Castro. Tampouco cumpriron os prazos fixados pola Xunta para a selección deste persoal, tendo na actualidade todo o persoal contratado cando, os restantes municipios galegos, veñen de publicar a listaxe de admitidos neste proceso.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
