O anuncio dunha HADO na Mariña coincidindo cos recortes en persoal sufridos na Atención Primaria, nos Concellos de Cervo e Xove en particular, e na comarca en xeral, así como a conseguinte protesta e alarma social levan a poñer esta nova, cando menos en vixiancia intensiva desexando que non sexa unha cortina de fume, un parche, para tapar o desmantelamento da Atención Primaria, o desmantelamento da sanidade, a progresiva recentralización dos servizos públicos na nosa comarca e frear a protesta e alarma social.
CIG-SAÚDE A MARIÑA comparte a importancia e os beneficios dunha HADO, entendéndoa como o conxunto de actividades asistenciais, sanitarias e sociais que se desenvolven no domicilio. A súa concepción é integral e o segredo do seu bo funcionamento baséase na axeitada dotación de recursos humanos, materiais e económicos e o desenvolvemento dunha exquisita coordinación dos recursos asistenciais que conflúen nela.
Por outra banda, dende a CIG SAÚDE A MARIÑA, e ante as moitas interrogantes do anuncio feito polo SERGAS pide á Xerencia Executiva de Cervo que aclare os seguintes puntos:
– Efectivos de persoal médico e enfermaría que conformarían a nova unidade.
– Número de doentes que podería atender diariamente.
– Horario de funcionamento.
– Parque móbil do que estaría dotado para atender a todos os Concellos da Mariña.
– En cantas áreas xeográficas de traballo se dividiría e de canto persoal dispoñería cada unha para garantir unha axeitada atención asistencial a toda A Mariña(sendo o habitual facelo a través dunha isócrona de 30 min.)
– Se abranguería os seguintes procedementos:
·Laboratorio de microbioloxía, hemocultivos, hematoloxía e bioquímica.
· Técnicas diagnósticas: electrocardiografía, pulsioximetría, sistemas de monitorización non invasivos, espirometría…
· Procedementos terapéuticos: oxigenoterapia, aerosolterapia, ventilación mecánica no invasiva domiciliaria, infusión subcutánea de fármacos, infusión intravenosa de fármacos, antibioterapia intravenosa, fluidoterapia intravenosa, nutrición artificial (enteral e parenteral), transfusións de sangue e hemoderivados ou quimioterapia.
Para CIG-SAÚDE A MARIÑA de non se dotar de medios humanos, materiais e económicos axeitados teriamos que falar dunha Atención Domiciliaria que proporcionaría coidados de baixa intensidade (en xeral, menos dunha ou dúas veces á semana) e complexidade a aqueles pacientes que, permanecendo estables na súa enfermidade, necesitan de forma continua ser atendidos no seu domicilio, onde permanecen illados case sempre por presentar diversas minusvalideces, e non dunha auténtica Unidade de Hospitalización a Domicilio.
Por todo o anterior exposto CIG-SAÚDE A MARIÑA e agardando concrecións toma a noticia con pinzas xa que ofrecer máis servizos con menos traballadoras e traballadores ten como consecuencia final un empeoramento da calidade asistencial.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
