A ala Dolores Sánchez García non disputará a tempada 2013-14 co CD Burela FS Pescados Rubén. Unida ao proxecto laranxa dende o seu nacemento, Dolo (Curtis, 1980) colga o dorsal 5 e pecha a súa etapa na Mariña: “O club deume a opción de seguir, pero creo que este é o mellor momento para pechar a miña etapa en Burela; coa consecución da Liga e da Copa de España” explicaba unha das capitás da tempada histórica do equipo.
“Cheguei hai cinco anos para involucrarme nun proxecto que se cumpriu de sobra. Co Burela FS vivín un ascenso a Honra, dous títulos de Copa Galicia, Liga e Copa de España, todo iso rodeada da xente que quería e gozando co pobo de Burela, que sempre nos apoiou” repasaba así a súa traxectoria na entidade mariñá a coruñesa, protagonista de todos os grandes momentos do equipo ao longo do seu crecemento e evolución.
“Non me queda máis que dar as grazas ao club polo trato exquisito que recibín aquí; sentinme moi cómoda cunha vila que me acolleu cos brazos abertos. Cada vez que me lembre deste club fareino con alegría” así se quixo despedir da familia laranxa Dolo, que tamén confesou o seu desexo de continuar o seu percorrido deportivo: “Na miña mente non está retirarme do fútbol sala” puntualizaba a xogadora.
A directiva do CD Burela FS agradeceu e loou a profesionalidade, compromiso e entrega da deportista, vinculada ao equipo dende os seus primeiros pasos: “O nome de Dolo quedará gravado para sempre na historia do club; a súa experiencia, temperanza e serenidade serviron de acicate para un proxecto incipiente, repleto de ilusión, que conseguiu posicionarse entre os mellores de España“ explicou o presidente, Manuel Blanco, cos mellores desexos de toda a estrutura laranxa para o futuro persoal e profesional da coruñesa.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
