O Consello da Xunta aprobou este xoves o Decreto polo que se fixan os prezos correspondentes aos títulos universitarios de carácter oficial no ensino universitario para o curso 2013/14, a través do cal a Consellería de Cultura, Educación e Ordenación Universitaria conxela os prezos públicos en todas as matrículas universitarias. Deste xeito, Galicia consolídase como unha das comunidades autónomas cos prezos de matrícula de grao e máster máis baixos de España. Cómpre lembrar que este é o segundo curso consecutivo en que Galicia mantén conxelados os prezos de 1ª matrícula de grao universitario, engadindo agora o resto das matrículas a este non incremento, o que supón unha clara aposta do Goberno galego por que ningunha persoa teña que abandonar os seus estudos por mor da crise económica.
Os prezos recollidos neste decreto recibiron informe favorable no Consello Galego de Universidades celebrado o pasado 28 de xuño. Unha vez que se publique o presente decreto no Diario Oficial de Galicia, cada universidade emitirá unha resolución reitoral que adaptará os procedementos e prazos de matrícula ás disposicións do presente decreto.
Máis bolsas de apoio ao alumnado
Ademais da conxelación dos prezos públicos, o departamento dirixido por Xesús Vázquez Abad está a desenvolver unha forte política social no eido universitario, incrementando as liñas de axudas económicas dirixidas ao estudantado. Neste sentido cómpre lembrar que este 2013 a Consellería convocará por segundo ano consecutivo as axudas para o inicio e continuación de estudos universitarios oficiais de grao dirixidas a aquel alumnado que non cumpre cos novos requisitos académicos exixidos para acceder ás bolsas do Ministerio de Educación, Cultura e Deporte. Ademais, a Xunta de Galicia incrementa este ano estas axudas nun 71,5% respecto do orzamento destas na anterior convocatoria, o que suporá unha achega de 1 millón de euros para esta iniciativa. Desta bolsas poderían beneficiarse arredor de 1.500 estudantes.
Ademais, convocarase unha nova liña de axudas para a matrícula en cursos oficiais de máster durante o curso 2013/14. Esta acción vai dirixida ás persoas en situación de desemprego, co fin de facilitar a súa reincorporación ao mercado laboral mediante unha formación especializada, orientada ao exercicio profesional. Para iso a Consellería subvencionará o custo da matrícula naqueles máster especialmente orientados ao acceso ao mercado de traballo.
Estas dúas novas convocatorias de bolsas, que suman un total de 1,2 millóns de euros, engádense ás 5 liñas de apoio ao estudantado universitario que xa foron publicadas ao longo deste ano. As 7 convocatorias supoñen un total de preto de 3 millóns de euros destinados a apoiar o alumnado.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
