Santiago, 13 de xullo de 2013.- A Consellería de Medio Ambiente, Territorio e Infraestruturas e o Concello de Ribadeo colaborarán nas obras para mellorar a depuradora de Porto e a construción dun sistema de depuración en Reme.
Así se recolle nun convenio de colaboración entre o departamento responsable do Medio Ambiente e o Concello de Ribadeo asinado polo conselleiro de Medio Ambiente, Territorio e Infraestruturas, Agustín Hernández, e o alcalde, Fernando Suárez Barcia. Esta colaboración implica un investimento de case 80.000 euros e permitirá mitigar os efectos antropoxénicos negativos sobre o espazos natural da Zepa (Zona de especial protección de aves) de Ribadeo.
Esta acción encádrase dentro do convenio de colaboración entre o Ministerio de Medio Ambiente, e Medio Rural e Mariño e a Xunta para o apoio á xestión e ao desenvolvemento sostible nas reservas de biosfera de río Eo, Oscos e Terras de Burón e Transfronteiriza Gerês-Xurés.
As obras consistirán en mellorar a depuradora de augas residuais de Porto mediante un sistema de depuración, na construción e acondicionamento dos colectores, na instalación da condución eléctrica e na construción das arquetas correspondentes e dous pozos filtrantes. Tamén se construirá un sistema de depuración en Reme e se renovará o colector de augas residuais e canalización eléctrica baixo terra, ao tempo que se eliminarán os residuos sólidos na ZEPA de Ribadeo.
En definitiva, trátase de minimizar o impacto das augas residuais destes núcleos na ZEPA de Ribadeo incluída na Reserva da Biosfera Eo, Oscos e Terras de Burón, co fin de mellora do espazo público e natural que contribuirá a mellorar da calidade de vida dos veciños deste concello da Mariña lucense.
Obrigas dos asinantes
Coa sinatura deste convenio a Consellería de Medio Ambiente, Territorio e Infraestruturas asume a obriga de dirixir e coordinar as actuacións necesarias para a execución das obras de mellora da depuradora de augas residuais de Porto e do sistema de depuración en Reme.
Pola súa banda, o concello de Ribadeo deberá poñer a disposición da Consellería, libres de cargas e gravames, a totalidade dos terreos, para a execución das obras, así como os correspondentes permisos e autorizacións necesarios para leva-las a cabo. Tamén deberá asumir, unha vez recepcionadas as obras, a explotación, mantemento e conservación desta infraestrutura hidráulica.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
