O pleno municipal celebrado este martes 23 de xullo en Burela daba coñecemento da renuncia de Neves Cando como concelleira do BNG. Desde o BNG de Burela manifestamos o noso respecto e apoio absoluto a esta decisión, que xa fora comunicada á propia organización.
Esta decisión xa fora tomada hai un tempo e consensuada co conxunto da organización, entendendo que este era o momento máis apropiado para facer efectivo un cambio na portavocía municipal do BNG, xusto cando nos atopamos no ecuador da actual lexislatura. Durante estes dous anos de traballo desde a oposición, Neves Cando veu colaborando estreitamente cun Consello Local totalmente renovado, facilitando que o propio proceso de renovación no que se atopa o BNG se puidese facer dun xeito tranquilo e responsable.
Desde o Consello Local do BNG queremos agradecer o traballo desenvolvido por Neves durante todos estes anos, ben desde o goberno municipal ou ben desde a oposición. Destacar todos os avances e melloras que desde o equipo de goberno se fixeron en materia social, en cultura e en deportes entre os anos 2007-2011. Desde a entrada do PP no goberno en 2011 produciuse un radical retroceso nestes ámbitos, onde os servizos socias son máis caros para os usuarios e usuarias, a programación cultural é practicamente nula e desapareceron as axudas ao deporte de base. Destacar tamén o traballo realizado desde a oposición, cunha preparación exhaustiva dos plenos, análise da documentación, control do labor de goberno, fiscalización das finanzas públicas e propostas de mellora a través das mocións presentadas.
En definitiva só podemos dar as grazas a Neves Cando polo seu labor realizado desde o BNG ao servizo dos veciños e veciñas de Burela durante os últimos anos. Respectamos de forma absoluta, como non podía ser doutro xeito, esta decisión persoal e agradecemos tamén a súa disposición a continuar colaborando coa organización en todo o que sexa preciso, mantendo neste sentido o seu compromiso co proxecto nacionalista polo que traballa o BNG.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
