Barreiros, 18 de xullo de 2013. Na tarde deste xoves tivo lugar no Centro sociocultural de San Cosme, en Barreiros, un acto organizado polo BNG baixo o título O urbanismo en Barreiros, un pelotazo ao servizo do PP. Nel tomaron parte a responsábel local do BNG en Barreiros, Belén Fernández; o concelleiro da formación en Barreiros, Antonio Veiga; a portavoz municipal do BNG, Ana Ermida e a deputada no Parlamento de Galiza, Ana Pontón.
Durante o acto, fíxose un percorrido pola política urbanística en Barreiros nos últimos anos e plantexouse a “necesidade de outro tipo de políticas que poñan o interese xeral por riba dos intereses particulares ou de grupo, que foi o que veu facendo o Partido Popular neste concello.” Neste sentido, os nacionalistas afirmaron que “o PP non dubidou en poñer a Barreiros á mercede dos intereses foráneos e especuladores, poñéndoo en venda por parcelas e deixando as desatrosas consecuencias que temos hoxe.”
Os nacionalistas plantexaron no acto cales son os resultados desta política para as veciñas e veciños de Barreiros, concluíndo que “mentras o PP non dubida en legalizar con diñeiro público o que se fixo ilegalmente, deixa un concello endebedado, con uns servizos máis caros e peores”. “A política urbanística aplicada non deixa ningún beneficio para o conxunto da cidadanía barreirense, se non ao contrario. Por moito que se empeñen en vender as migallas que sobran como grandes obras, seguimos sen saber en que se invertiron os cartos que se ingresaron por licenzas”, manifestaron.
O BNG ironiza tamén sobre o anuncio feito hoxe mesmo polo rexedor barreirense e aseguran que “se é preciso faremos actos todas as semanas para que así vaia anunciando inversións en Barreiros. Non cremos que sexa casual que hoxe anuncie que se vai poñer en funcionamento unha depuradora, vendendo como grande inversión 40.000€; mentras se perderon polo camiño millóns de euros.”
Para os nacionalistas, o caso de Barreiros non é algo puntual, senón que resposta a un xeito de entender e facer política, que é a política que aplica o Partido Popular. “Comezouse coa venda do derrube do Complexo no 2002 a unha empresa (que tamén nese ano levou a cabo a rexeneración da praia de Altar) que agora figura entre os doantes do PPdG no 2006 e continuouse coa venda por parcelas do noso concello a todo aquel que estivera disposto a pagalo, aseguran os nacionalistas.”
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
