O PP de Viveiro critica as ocorrencias do alcalde sobre a organización do persoal municipal

Unha vez máis o Grupo do PP de Viveiro asiste a unha nova ocurrencia do Sr. Roel en materia de organización do personal municipal, ó dispor que os conserxes dos colexios se pluriemplen limpando nas praias. Estamos ante unha ocurrencia fruto da improvisación que preside a acción de goberno do Sr. Alcalde, dado que xa se sabía que as praias había que limpalas e non se preveu nada neste sentido.

Coma sempre, a última hora, adoptase unha medida destas que a algúns podelles resultar moi graciosa, aínda que ós afectados, os conserxes dos colexios, seguro que non lles fai ningunha gracia.

Parecen obviar dende o Concello que os conserxes teñen que atender os colexios no mes de xullo, mes no que se soen facer traballos encamiñados a que o colexio este en perfectas condicións para o inicio do curso seguinte; ou ben, pode que pensen que os conserxes non traballan dabondo e haxa que sobrecargalos con traballo extra. En calquera caso, vistese un santo para desvestir outro, xa que as actividades programadas polos equipos directivos dos centros para os conserxes neste periodo, quedaran desatendidas.

Dende o grupo do PP de Viveiro cuestionamos que esta decisión unilateral sexa legal, xa que se está modificando o posto de traballo e as funcións que son propias dun conserxe, e parece claro que o de limpar praias non entraría dentro dos seus cometidos. Ante isto, cabe preguntarnos cal será a próxima medida nesta materia, porque visto o visto calquera poderá desempeñar as función máis singulares, aínda que non sexan as propias do seu posto. Preguntamonos ademáis, que pasa si a un destes conserxes lles ocurre un accidente cando están limpando as praias?, porque en principio non é o seu lugar habitual de traballo, polo tanto sería un accidente laboral ou que sería?, terían cobertura legal?.

O argumento de que non ten personal suficiente xa non cola,e non é que o digamos dende o PP, que tamén, senón que non hai máis que ler os diferentes informes de intervención a próposito da liquidación dos presupostos, e neles dise ben claramente que no Concello hai moito personal e ademáis mal organizado, polo que ó mellor debería empezar o Sr. Roel por organizalo axeitadamente, e así non tería que recurrir a ocurrencias de última hora coma esta, máxime cando dende o día 5 de xullo, o Concello tiña a autorización para contratar, durante dous meses a 2 peóns para a limpeza de praias.

Dende o PP de Viveiro, suxeririamoslle, que si non é capaz de organizar o personal que ten, que probase a darlle algo menos dos 220.000 € que lle deu o ano pasado a unha empresa privada para a organización dun evento, e con parte dese diñeiro contratar, temporalmente, as persoas necesarias para a limpeza das praias, que son un ben natural e de indudable atractivo turístico para Viveiro durante os tres-catro meses estivais e que en boa medida se traduce en ingresos para o noso pobo.

Fala o Sr- Roel de vixiar o cumprimento das normas nas terrazas, pero terase que aclarar, porque si non ten persoal dabondo. como conta facelo?, seguramente como fai todo o resto, non controlando horarios de peche, non controlando o tráfico, non controlando a seguridade cidadá, non contratando os socorristas ata mediados de mes ( a pesares que xa podía facelo dende o 19 de xuño )… ó mellor tamén manda ós conserxes dos colexios para estes cometidos, posto que con este alcalde todo é posible.

Hai que recordarlle ó Sr. Roel que cando incrementou a masa salarial en máis dun millón de euros, cansouse de asegurar, por activa e por pasiva, que esta suba e incremento de personal garantizaba o asegurar os servicios municipais.

Por outra banda, lembrarlle ó Alcalde e ó BNG, moi conformes coa súa política a pesares de telos expulsado do goberno, a non creación dunha comisión de persoal, algo inédito neste Concello, para analizar estes e outros temas.

Dende o grupo do PP de Viveiro preguntámonos por que se elexiron os conserxes, podíase elexir o persoal de oficinas, á policía local, os grumir, o persoal de emigración, etc e incluso o propio Alcalde ou xa postos os Concelleiros…