Celestino García Paz, en representación do Grupo Municipal Popular de Viveiro, realiza ó Alcalde da Corporación os seguintes rogos, co obxecto de que se subsanen as deficiencias sinaladas coa maior prontitude posible:
1. Na pasarela que hai por detrás da Casa de Calvo Sotelo, xunto ós restos da antiga Muralla, algunhas das tablas están soltas, o que dificulta e fai perigoso o camiñar por ela. O que poño no seu coñecemento para a súa subsanación.
2. Existen numerosas losetas soltas e rotas no Paseo Marítimo de Covas en diferentes zonas (por exemplo á altura do Estadio de Cantarrana, fronte ó parque Pernas Peón …) o que resulta perigoso para os viandantes e nenos que xogan nas súas inmediacións. Polo que solicito a súa reparación.
3. Hai algunha loseta en mal estado na acera en Cantarrana, á altura do antigo restaurante Cantarrana, próxima ó Centro Médico As Pías e na que se tropeza moi fácilmente, co conseguinte risco de caída. O cal informo para a súa correción.
4. Losetas soltas na saída do garaxe do edificio Parquemar 1 fronte á rúa Vila de Ortigueira, así como a entrada ó aparcamento do Campo da Festa desde a rúa Suasbarras en Covas con losetas rotas, o que resulta perigoso cando se camiña sobre elas. Sendo necesaria a súa inmediata reparación.
5. O semáforo que está fronte ó edificio da Cruz Vermella na Ponte da Misericordia, leva días sen funcionar, co conseguinte perigo que entraña á hora de cruzar os peóns polo paso de cebra. O que comunico para a súa subsanación.
6. Na rúa Lodeiro, entre os edificios nº 18 e 26, a finca ten abundante maleza, hai desperdicios acumulados e a presenza de ratas, o que provoca as protestas de veciños e usuarios do lugar, motivo polo cal se debería de notificar ós donos a súa limpeza e adecentamento.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
