Unha nova edición do torneo “Interparroquial” de Billarda tivo lugar o sábado 6 de xullo. Desta volta o encontro tivo lugar no campo de fútbol da Vía, en Ribadeo. Dende as 11:30 h. dunha neboenta mañá, as billardas bruaron na procura dun varal para facerse co año mouro en disputa.
Imprevistos de última hora fixeron que os seis equipos anotados quedaran reducidos tan só a catro, aínda que isto non mermou nin chisco a intensidade da competición.
O esbaradizo dun campo humedecido pola néboa, puxo en dificultades a máis dun palanador, mais pouco a pouco cada quen foi quentando motores, o mesmo que fixo o día.
Os Billardeiros Musicais por Ribadeo, os Bulls por Remourelle, o equipo compromiso LNB por Vilaselán e máis un equipo de Bretoña, foron os que se xogaron o año.
Neste torneo referencial do verán, víronse xa os primeiros movementos de xogadores con vistas a vindeira tempada regular, movementos entre equipos: Geni que volta ás filas dos Billardeiros acompañada tamén por Reyes, o retorno de xogadores míticos como o caso de Milio nos Bulls, que malia a súa prolongada ausencia deu mostras dabondo de que segue en moi boa forma e que pode ser a gran fichaxe da tempada. Tamén a Ekipa-Bítere (compromiso Vilaselán) que tempada tras tempada busca asentarse como equipo sólido, tivo as incorporación de Luis, Meli e o dominicano, xa ribadense, Michael Matos. Esperemos, que estas novas fichaxes non sexan flor dun día, unha arroutada máis, e que se consoliden.
Ós de Bretoña, que compareceron moi mermados de efectivos, votoulles unha man Toño (único representante dos Xiber e polo tanto sen posibilidade de competir como equipo).
Comenzado o encontro, nas dúas primeiras roldas de enfrontamentos dominaban os Bulls e parecía que todo se ía reducir a unha loita entre os de Remourelle e os musicais de Ribadeo. So foi un espellismo, xa que á terceira foi a vencida e os da vila tomaron a dianteira para xa non deixarse pillar por ninguén.
Conforme ía subindo a temperatura na xornada da mañá, tamén os Musicais ían aumentando a vantaxe sobre os seus rivais. En Santa Cruz agardaba un merecido xantar de irmandade e para repoñer forzas, fixemron a súa “xira” particular a base de paella e churrasco. Non faltaron uns “culines de sidra” para lembrarse dos irmáns asturianos que a última hora tiveron que desistir de non acompañar.
De volta á competición, entre carreira e carreira funcionou a todo trapo o fotokol billardeiro da LNB, sempre baixo a mirada expectante do año que deixaba de pacer para nos ollar fixamente. De seguro que pensaba algo parecido: “están tolos estes da LNB”.
Rodrigo fixo de escanciador titular e non deixou que ninguén pasase sede nesta estupenda xornada billardeira. Pola súa parte, Muriego e Milio tiraban dos Bulls tratando de achegarse ós musicais, mentres Vilaselán confiaba na súa estrela caribeña, pero todo o peixe estaba vendido. A diferenza mancárona sempre os de Ribadeo que non botaron en falta o liderazgo de Markytos e cas incorporacións das dúas campioas nacionais non deron trégoa e gañaron sobradamente o año.
O premio especial dun lote de productos de “El viejo Pescador”, foi para o MVP do torneo con 26 puntos sobre 27 posibles, o tamén Billardeiro Musical, Daniel “Asterix”.
A culler de pau, foi para o equipo de Bretoña, que malia a ser pouquiños, deron sempre a cara e abofé que saíron moi reforzados do envite: “Nunca tanto adestrei na miña vida” se oiu que comentaba alguén do equipo.
O año está xa a bo recaudo e agarda para presidir como bo anfitrión o tradicional xantar do comezo dunha nova tempada.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
