Lugo, 10-7-2013.- Logo de que o pasado martes, día 2 de xullo, se adxudicase a execución do desbroce de maleza das estradas provinciais de distintos concellos da provincia e que o venres, día 5 de xullo, se aprobase na xunta de goberno o plan de seguridade, a voceira do GPP na Deputación de Lugo, Elena Candia, lamentou que, outra ano máis, teñamos que soportar a liña emprendida polo Señor Besteiro, quen se apresura en lanzar anuncios sen facer os trámites necesarios para que eses anuncios se fagan realidade.
“Os lucenses volvemos sufrir un ano máis o desgoberno da Deputación de Lugo; as consecuencias dun presidente que só ve relevante lanzar informacións e sin embargo non se preocupa por traballar e facer os trámites necesarios para que eses anuncios se fagan realidade.
Refírese Elena Candia nesta ocasión as labores de desbroce, uns anuncios que o Señor Besteiro lanzou antes de tempo e que a día de hoxe se ven incumpridos posto que as empresas ainda non materializaron os contratos.
A popular insiste en que os traballos de desbroce sempre chegan tarde a provincia de Lugo e lembra que o ano pasado o equipo de goberno iniciou o 11 de xullo o proceso de contratación de desbroces, adxudicándoo o día 13 do mesmo mes.
“Estamos en pleno mes de xullo. Época de alto risco de incendios. Traballos de este tipo non poden chegar tan tarde”- aseverou Candia, quen lembrou que as estradas xa presentan, a priori, un gran perigo debido á cantidade de fochancas que teñen e que si agora lle engadimos que están sen desbrozar, o perigo multiplícase.
“Dende o grupo provincial levamos denunciando dende fai moito tempo o mal estado que presentan as estradas provinciais e alertando da perigosidade que supoñen para os conductores e viandantes”- afirmou Candia quen engadíu que agora o perigo increméntase ainda máis debido a que o Señor Besteiro non iniciou as tarefas de desbroce.
Candia lamenta que o señor Besteiro siga na liña de construír a casa polo tellado, na dinámica do anuncio, de apresurarse en publicar informacións en vez de facer os trámites oportunos para comezar coas labores de desbroce.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
