Ribadeo, 10 de xullo de 2013. A Xunta de Goberno da Deputación Provincial de Lugo aprobará, na súa xuntanza do vindeiro venres, a concesión dunha subvención por valor de 80.000 euros para financiar os gastos derivados do programa ‘Plan de Mellora da Praia das Catedrais’ co que a Vicepresidencia da institución reforzará o seu compromiso coa promoción turística do municipio de Ribadeo e da comarca da Mariña.
Este proxecto, presentado polo concello de Ribadeo, ten como obxectivo mellorar o servizo de información turística dun dos enclaves con maior proxección de Galiza, a Praia das Catedrais; un enclave turístico de primeira magnitude por consideracións históricas, cultuais e naturuais. Antonio Veiga, vicepresidente da Deputación lucense explica que “son estes motivos os que xustifican a necesidade de contratar persoal para a atención do punto de información turística e dar cobertura á demanda existente de información do areal e do seu entorno, algo que se poderá levar a cabo grazas a este programa que conta co respaldo da Área de Cultura e Turismo da Deputación Provincial.”
“Este Plan – precisa Veiga – non só constitúe unha actuación de interese público que incide de xeito positivo no sector do ocio e do turismo, senón que tamén contribúe a xeración de postos de traballo, o que enfatiza aínda máis as súas repercusións na economía do municipio e da comarca.”
Ademais do fomento da proxección turística da Praia das Catedrais, o desenvolvemento de programas especiais para tal fin e a edición de material informativo, con este convenio a Vicepresidencia da Deputación contribuirá á contratación de persoal para a realización de labores de limpeza do areal, o coidado da ribeira e zonas verdes e aportará o investimento necesario para a construción duns novos aseos.
Valoración do alcalde de Ribadeo
Pola súa banda, o alcalde de Ribadeo, Fernando Suárez, tras coñecer que a Xunta de Goberno do ente provincial aprobará esta axuda esta mesma semana, valora positivamente a aportación e o compromiso da Vicepresidencia da institución coa promoción turística da Mariña e en especial coa Praia das Catedrais, que forma parte do Camiño Norte de Santiago e está considerada Lugar de Interese Comunitario e Monumetno Natural.
Suárez contrapón “a implicación e traballo da Área de Cultura e Turismo da Deputación Provincial coa Mariña e o sector turístico coa falla de apoio da Xunta de Galiza e o Goberno do Estado, que continúan sen ter enconta este enclave paisaxístico e turístico que o concello por sí só é incapaz de manter. A Deputación de Lugo é a única institución supramunicipal que contribúe á promoción turística e ao coidado do areal.”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
